20 yanvar 2019, Bazar
Ana Səhifə - REPORTAJ - İçməli suyu qəbiristanlıqdan götürən kənddən reportaj
İçməli suyu qəbiristanlıqdan götürən kənddən reportaj
07.06.2010, 18:40

Modern.az-ın əməkdaşı  “Bakı kəndləri” adlı layihəsi çərçivəsində bu dəfə qədim kəndlərdən biri olan Zığı gəzib, bu yaşayış məntəqəsinin qədimi yerləri və bu günü, problemləri ilə tanış olub.

Zığa niyə gec çatdım?

Şəhərin mərkəzindən Zığ kəndinə avtobusla 35-40 dəqiqəyə çatmaq olar. Lakin mən saat yarıma ancaq gedib çatdım. Səbəbi də nabələdliyim oldu. Düşündüm ki, əksər kəndlər kimi, Zığın da girişində onun adı yazılmış lövhə olar. Ona görə avtobusla gedərkən gözüm yolun kənarında “Zığ” sözü yazılan lövhə axtarırdı. Bu səbəbdən Zığ kəndini ötüb keçmişdim. İrəlidə düşüb xeyli geri qayıtmalı oldum.
Zığa gedən yolun hamar və rahat olduğunu görəndə fikirləşdim ki, kəndarası yollar da elə belə olar. Amma heyhat...
Bələdçim hələ yox idi. Ona görə özüm əvvəlcə Zığın qədimi yerlərinə baş çəkməyi qərara aldım. Kəndin çala-çuxur yolları ilə bir xeyli gəzib qarşıma çıxan sakinlərdən qədim yerləri soraqladım. Amma hər kəsin üzündə bir narazılıq hiss olundu. Elə hamı “jurnalistsənsə, qədim yerləri neynirsən, bizim dərdimizdən yaz. Su tapmırıq eyy, içməyə, suu!” deyirdi. Nəhayət mənə bələdçilik etməyə söz verən şəxs gəlib çıxdı və biz məsləhətləşdik ki, əvvəlcə kəndin tarixi yerlərinə baş çəkək.

Qədimi yerlər

Zığın “Əli qədəmgah” deyilən ziyarətgahına baş çəkdik. Ziyarətgahın içində at nalının izi var. Deyilənə görə, peyğəmbər buradan atla keçəndə atının nal izi həmin yerə düşür. Ziyarətgahın axundu Seyid Aslanın deməsinə görə, bu müqəddəs ocağın tarixi çox qədimdir: “Bu qədəmgah usta Əli tərəfindən tikilib”.
Seyid Aslan deyir ki, kənd sakinlərinin vəsaiti hesabına qədəmgahın ərazisində xeyli abadlıq işləri görülüb, xanımlar üçün Hüseyniyyə tikilib, ziyarətgaha gələn yolu abadlaşdırılıb. “Çünki bura xarici ölkələrdən, əsasən də İrandan ziyarətə  gələnlər olur”. Ziyarətgahda “Qoç daşı” deyilən heykəllərin biri yerində qalsa da, digərini “İçərişəhər” qoruğuna aparıblar.

Zığın məşhur İslam məscidini də ziyarət etdik. Bu məscidin tikilmə tarixi dəqiq bilinməsə də, çox qədim olduğu deyilir. Məscidin həyətində yaşı 140-a yaxın olan tut ağacı var. Təəsüf ki, ibadətgah yarasız haldadır.

Məşhur filmin bəzi kadrları bu kənddə çəkilib

Zığ kəndində qədimi evlərdə çoxdur. Kənd ağsaqqallarının deməsinə görə, bu evlərin 300-ə yaxın yaşı var. Köhnə evlərin əksəriyyəti demək olar ki, qəzalı vəziyyətdədir.
Baş çəkdiyimiz ünvanlardan biri məşhur “Qanun naminə” (“Mehman”) filminin çəkildiyi ev oldu. Ev uçuq-sökük vəziyyətdədir. Bu məşhur evin sahibi kənd sakini Xuraman nənə və Cənnət baba imiş. İndi burada onların nəvəsi Natiq Məmmədov yaşayır. N.Məmmədovun sözlərinə görə, “Qanun naminə” filmi çəkildikdən sonra həmin evdə başqa filmlərin çəkilməsi üçün də nənəsinə müraciət edənlər olub: “Ancaq nənəm əvvəlcə istəməyib. Deyirmiş “axı nəyimə gərək e...”. Sonra qonşuları onu razı salıb ki, “ay arvad evin məşhurlaşacaq, bəlkə özün də tarixə düşdün”. Ondan sonra nənəm razı olub”.

Türbə və sərdabələr

Kənddə qədimi türbə və sərdabələr də var. Türbələrin birində 12 qəbir indiyədək qalmaqdadır. Deyilənə görə, bu qəbirlərdə yatanlar Şah Abbasın nəsilindəndilər. Kənd sakinləri belə türbələrin dağılıb getməsindən narazılıq edirlər.
Zığda yaşı çox qədimlərə gedib çıxan adsız bir hamam da var. Hazırda uçuq vəziyyətdə olan hamamı ağsaqqalların deməsinə görə, kəndin sakini Əmir Aslan tikdirib.
Tarixi abidələr sırasında  "Ovdan" bulağı da var ki, o da 17-ci əsrə aiddir. "Ovdan" bulağı Zığ kəndinin mərkəzində yerləşir. Kənd əhalisinin bir hissəsi həmin bulağın suyundan istifadə edir.

“Bakı oğrularının xaç atası” zığlı imiş

Zığı gəzdikcə bizə məlum oldu ki, burada 4 orta məktəb, 2 ambulatoriya, 3 poçt, 2 baxça, 1 vərəm dispanseri, 1 poliklinka fəaliyyət göstərir.  Zığ kəndinin ərazisi əvvəllər çox böyük olub. Sonralar kəndin ərazisini “Dədə Qorqud” yaşayış sahəsi, “Bahar” bağ massivi, “Qum adası” bağ evləri, Zığ bağlarına bölüblər.  
Zığda məşhur insanlar da doğulub. Onlardan biri alim Şeyx Həsəndir. Onun yaşadığı ev hazırda kənddədir. Şeyxin nəticəsi hazırda həmin evində yaşayır.        
Professor Xanım Salayeva, general Əhməd bəy Ağayev, xeyriyyəçilər Ağabala bəy, Məşədi bəy, Hacı Abbasqulu, Hacı Bağır və başqaları bu kəndin yetirdiyi məşhur şəxslərdir.
“Bakı oğrularının xaç atası” kimi tanınan qoçu Cabir Pəncəlioğlu da zığlıdır. Deyilənə görə, o Sibirə sürgünə göndərilən məhbuslara qoçuluq edirmiş.

Həll olunmayan problemlər...

“İçməyə su tapmırıq. Kənd əhalisinin yarıdan çoxu suyu maşınla alır, ya da qəbirstanlığın ortasındakı bulaqdan gətirir. Belə də dərd olar?! Kimə şikayət edirik, bizi bir qurumdan digərinə göndərirlər. Nə bələdiyyə səsimizi eşidir, nə də yuxarılar...”.
Bunu qəbirstanlıqdakı bulaqdan su dolduran 55 yaşlı İskəndər dayı dedi.
Digər kənd sakini Rauf müəllim də evlərə içməli su verilməməsindən şikayət etdi: “Ay qızım, bir adam bizə baxmır. Elə bil Zığ adlı kənd yoxdur. Prezidentin bölgələrin sosial-iqtisadi inkişafı ilə bağlı sərəncamları var. Biz bəyəm həmin bölgələrdən deyilik? Ailəlikcə hamımız bütün günü su daşıyırıq. Vəziyyətimiz çox acınacaqlıdır”.

Kəndin bəzi sakinləri isə qaz və işıqdan şikayətçidir. Xalidə nənə dedi ki, qış olanda qaz gəlmir: “Yenə indi havalar isti keçir deyə, qaz elə də lazım olmur. Amma soyuq aylarda sobalarda odun qalayırıq. Qaz vaxtlı-vaxtında gəlmir”.

Zığ kəndinin harasına baxsan zibil tayalarına rast gəlmək olardı. Hətta məktəblərin birinin həyətində zibil qalağına rast gəldik.

Sakinlərin başqa bir narazılığı kanalizasiya xəttinin olmaması idi. Bütün kənd camaatı həyətdə quyu qazaraq kanalizasiya kimi istifadə edir. Elə kənd sakini Sevil xalanın da şikayəti bununla bağlı oldu: “Yay gələndə üfunət iyindən birtəhər oluruq. Kanalizasiya quyusu dolanda, pul verib boşaltdırırq, maşınlar çəkib aparır. Bu kəndin problemini sadalamaqla qurtarmaz. Kimdir bizi yada salan? Seçki gələndə yadlarına düşəcəyik”.

Deputatdan narazılıq

80 yaşlı Seyid Aslan isə deputatlarından narazılıq etdi: “Biz deputatımızın üzünü görmürük. Bizə demişdi ki, “seçsəniz də, seçməsəniz də deputat mən olacam”. Biz dəfələrlə ona müraciət etmişik, ancaq bu 5 ildə Anar Məmmədxanlının üzünü görməmişik”.
Digər kənd sakinləri deputatın bir dəfə də olsun Zığa gəlmədiyini vurğuladılar.

“Ciyərlərimiz təmiz hava əvəzinə zəhərli tüstü udur”
 
Sakinlərin digər problemi isə əlvan metallarının əridildiyi zavodla bağlı oldu. Cavid Ağabalanın sözlərinə görə, sözügedən zavod gizli fəaliyyət göstərir: “Bu obyektin sahibi Fərhad adlı şəxsdir. Dəfələrlə onun yanına getmişik, bizi qəbul etməyib. Bu zavod ancaq gecələr işləyir. Əgər gecə gəlib baxsanız, bütün kəndin üstünün duman aldığını görərsiniz. Elə bil kəndə bomba atıblar. 4-5 ilə yaxındı ciyərlərimiz təmiz hava əvəzinə zəhərli tüstü udur”.
Züleyxa adlı başqa bir Zığ sakini də həmin zavod barədə danışdı: “Neçə illərdir ki, bizim əkdiyimiz ağaclar quruyub məhv olur. Ekologiya və Təbii Sərvətlər Nazirliyinə bununla bağlı şikayət etmişik. Nazirlikdən bu zavodun işinin dayandırılması barədə arayış veriblər. Ancaq zavod elə öz işindədir”.

Örüş sahələri gəlmələrə satılır

Kənd əhalisinin əsas məşğuliyyəti əvvəllər əkinçilik və maldarlıqla bağlı olub. Amma indi Zığda 3-4 hektar otlaq sahəsi ancaq qalıb.  Kəndin yaşlı sakini Cabir kişi deyir ki, otlaq sahələri satılıb: “Otlaq sahəsinin bir hissəsini daş karxanası məhv edib. Orada daşı üyüdüb, tökürlər otlaq sahələrinə. Bir hissəsini də bələdiyyə və icra nümayəndəliyi satıb gəlmə adamlara. Mal-qaramızı otarmağa örüş sahəsi qalmayıb. Kənddə bir dənə də olsun iş yeri yoxdur ki, gedib başqa işlə məşğul olaq. Bizim diyar hamının yadından çıxıb”.  
53 yaşlı Rza kişi də diqqətdən kənarda qaldıqlarını deyir: “Əgər biz öz vəsaitimiz hesabına qaz, su, işıq, yol çəkdirəcəyiksə, onda deputat, bələdiyyə, icra nümayəndəsi nəyimizə gərəkdir? Zığda bir həyətdə 3-4 ailə yaşayır. Biz öz gələcək uşaqlarımız üçün bu örüşləri saxlayırdıq. Ancaq acgözlər xalqın torpaq sahəsini satıb, yeyirlər”. Kəndə hətta bəzi evlər var ki, çat verib. Sakinlər bunun səbəbini evlərin altından su getməsi ilə əlaqələndirdilər.

“Səsimizə səs verilmədi”

Zığda yeni tikilən evlərin bir hissəsi yüksək gərginlikli elektrik naqillərinin altında yerləşir. Bir çox evlər isə qaz və su xətlərinin üstündə tikilib.
Üç nəslinin Zığda yaşadığını deyən Güləhməd baba problemlə bağlı müvafiq qurumlara ərizə yazdıqlarını dedi: “Biz Bakının icra başçısı Hacıbala Abutalubova dəfələrlə ərizə yazıb, problemimizi bildirmişik. Bu günə kimi bizə cavab gəlməyib. 2002-ci ildə Prezident təhlükəli zonalarda torpaq sahələrinin ayrılmasının dayandırılması haqqında sərəncam verib. Ancaq buna məhəl qoyan yoxdur. Səbr kasamız artıq daşıb”.

Ramiz Xəlifoğlu problemlərin işıqlandırılması üçün dəfələrlə ANS telekanalına müraciət etdiklərini dedi: “Amma bir dəfə də olsun gəlib, bizimlə maraqlanmadılar. Səsimizə səs vermədilər.  Halbuki, ANS televiziyasının xanım müxbirlərindən birinin də evi buradadır”.

Zığ sakinlərinin “Maral” dərdi

Sakinlərin başqa bir dərdi isə dini adət-ənənələrin qorunub saxlandığı kənddə nalayiq hərəkətlərə rəvac verilməsidir. Əvvəlcə xalça sexinin tikiləcəyi adı ilə sakinlərdən imza toplanılıb. Kəndlilər də seviniblər ki, iş yeri açılacaq. Ancaq sonradan məlum olub ki, xalça sexi tikiləcək yerdə otel inşa olunacaq. Bir müddətdən sonra “Maral” adlanan bu otel çevrilib olub restoran.
Aldandıqlarını görən sakinlər dəfələrlə sözügüdən obyektin sahibinin yanına gediblər: “Bu restoranda gecə-gündüz nalayiq işlərlə məşğul olurlar. Bir neçə məmur var ki, onlar da bura gəlir. Nə vaxt baxsanız, restoranın qarşısı xarici maşınlarla doludur. “Maral”ın rəhbəri Dağlar adlı şəxsin qəbuluna getsək də, bizi rədd edib”. Zığlıların deməyə sözləri çox olsa da bizm vaxtımız az idi. Hər halda kifayət qədər məsələlərdən agah olmuşduq...

Zığın tarixi

Zığ kəndi Abşeron yarımadasının cənubi-qərbində,  Bakı şəhərinin yaxınlığında yerləşir. Zığı şimaldan Suraxanı və Yeni Günəşli massivi, qərbdən Xətai rayonu, cənubdan Xəzər dənizi, şərqdən isə Hövsan qəsəbəsi əhatə edir. Toponimin mənşəyi dəqiq açılmasa da, həm yazıçı Abbasqulu Ağa Bakıxanov, həm də tarixçi Sara Aşurbəyli kəndin adını zığ tayfaları ilə bağlayırlar. Tarixi mənbələrdən əldə etdiyimiz məlumata görə, Abşeron yarımadasında Zığ adlanan ərazisində yaşayan sakinlər Sərmat qəbiləsinin Zığ tayfasına mənsubdurlar.
Duzlu gölün yaxınlığında, kiçik bir dağın məskən salan Zıx tayfası öz dövrünün  mühüm tələbatı olan daş və duz karxanalarını əldə edir. Camaatın bir qismi karxanalarda çalışır, bir qismi də yük at-arabaları ilə məhsulu başqa şəhər və vilayətlərə aparıb satır. Bu tayfanın camaatı İmam Rzanın bacısı Hökümə xanımın Azərbaycana gəlişindən xəbər tutub və onun xidmətində durublar. Xanım dünyasını dəyişdikdən sonra məzarının üstündə abadlıq işləri görmüşlər. Hülaki xanın nəvəsi Arqun ağanın oğlu Qazan xan 1297-ci ildə Bakıya gəlişində xanımın məzarının üstündə məqbərə tikdirir. Zığ camaatı məqbərənin tikintisində yaxından iştirak edərək, öz mallarından bir qismini məqbərənin idarəçiliyi üçün vəqf edirlər. Şirvanşah I Xəlilüllah əmlakının bir qismini Zığ kəndi daxil olmaqla xanımın məqbərəsinə vəqf edərək Zığ camaatını vergidən azad edib.
Əli süfrəsi adı ilə ehsan məclisi qurmaq ənənəsi o dövrdən bu camaat arasında məşhurdur. Digər mənbələrdə isə Zığ qəbiləsinin Alan masketlərindən olduğu bildirilir. “Alan” dağlı deməkdr.  Masketlər isə Yafəsin oğlu Məshəq nəslindəndir. Yafəs Nuh Peyğənbərin oğludur.
Zığ kəndi 1936-cı ildə 350 təsərrüfatdan ibarət olub və həmin ildən qəsəbə statusu alıb.
Zığın ərazisi təxminən 1000 hektar təşkil edir. Əhalisinin sayı 15 minə yaxındır.


 

Kənardan baxanda Zığ problemsiz görünür, amma..

 

Sakinlərin öz vəsaiti hesabına salınan kəndarası yol.

 

Yeni tikilən tuneldən keçən yol artıq bərbad vəziyyətə düşüb.

 

"Biz dövlətdən kömək  gözləyirik".

 

Su və qaz xətlərinin üzərində inşa olunan tikililər.

 

Yeni tikililər.

 

 

Əli qədəmgahı.

 

Əhməd bəy Ağaoğlunun nəticəsi.

 

İcra nümayəndəliyinin binası.

 

Yöndəmsiz tikililər.

 

Zığlıların otlaq sahələri tədricən daralır. 

 

Tibb mərkəzi.

 

"Qanun naminə" filminin bəzi kadrları bu evdə çəkilib.

 

Bələdiyyə binası. Heç kimi yerində tapa bilmədik, təkcə inəklərdən başqa.

 

Ancaq gecələr işləyib zığlıları zəhərləyən zavod.

Ovdan bulağı.

 

"İslam" məscidinin təmirə ehtiyacı var.

 

Zığdakı qədim hamamlardan biri.

 

Kənddəki azsaylı iş yerlərindən biri-tikiş sexi.

 

Narazılığa səbəb olan "Maral" restoranı.

 

Xəstələrin şəfa tapdığı Duzlu göl.

 

Şeyx Həsən bu evdə yaşayıb.

 

Sakinlər içməli suyu qəbiristanlıqdakı bulaqdan daşıyırlar.

 

Zığdakı türbələrdən birində...


Günay MUSAYEVA  


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku
ANAR
07.06.2010, 19:10

Maraqli yazidir goresen anar memmedxanli niye secildiyi daireye bash cekmir

Resad
07.06.2010, 19:11

ela Gunka sekiller superdi yaratmisan

Fazil Muradov
07.06.2010, 19:14

gORESEN CAMAATIN DERDINE YANAN NIYE TAPILMIR? ILAHI 21 CI ESRDE CAMAAT SUYU QEBIRISTANLIGDAN ICIR

Refiqe
07.06.2010, 19:15

siz yaxshi edib kendlerin problemlerini qaldirirsiz cox sagolun sayta minnetdaram

ISLAM
07.06.2010, 19:15

Bu sadece vehshilikdir

07.06.2010, 19:16

Bizim kenddende yazsaniz pis olmaz

Aqil Seyidov
07.06.2010, 19:17

nolsun e deputat baxmir deputat neylesin yazig allah vurmus

ESMIRA
07.06.2010, 19:24

Bu gun prezidentin serencamina emel edilmir. Guya regionlarin iqtisadi inkishafi haqqinda layihe imzalanib bu da "INKISHAF"! Daha ne deyesen

Sahil Ceferli
07.06.2010, 19:25

xanim melumat ucun sagolun duzu bu kend haaqinda birinci defe idi esidirdim

Samire Hesenli
09.06.2010, 05:58

Heqiqeten maragli reportajdi sekilalti sozlerde repotaji canli edib umumiyyetle sizin sayt yaxshi repotajlar verir

Rufet
09.06.2010, 05:59

BIR VAXTLAR QALOSH O EVDE DURARDI MEN HEC BILMIRDIM HEMIN FILMIN CEKILDIYI EV ZIGDADIR

AQIL
09.06.2010, 06:00

burda ne cox problem var

Ibrahim
09.06.2010, 06:01

Iyrenc...

ARZU --
09.06.2010, 06:02

bashsiz milletdi de kimdir e baxan Esmira xanim men sizinle tam raziyam

RASIM ALIZADE
09.06.2010, 19:57

BAKI KENDLERINDE YASANAN PROBLEMLER OQEDER ACINACAQLIDIRKI INSAN YASAMAQDAN BEZIR.USTELIK MEMURLAR AQIZ DOLU INKISAFDAN DEM VURANDA.ZIQ BELEDIYYESINDE,BELEDIYYENIN OLMASI EVEZINE INEKLERIN OLMASI VE MARAL RESTORANDA IMKANLI MEMURLARIN EXLAQSIZLARLA EYLENMESI, MEMURLAR DEMISKEN SOZUN ESIL MENASINDA INKISAFDIRRRRRRRRRRRRR.........................

Turan
12.06.2010, 11:28

Gunay xan teshekkurler ela alinib!!

Şərh yaz

Bu kateqoriyadan olan xəbərlər
SON XƏBƏR
İstanbul metrosunda “Qanlı Yanvar” - FOTO
20.01.2019, 15:24

İstanbul metrosunda “Qanlı Yanvar” - FOTO

Dünyanın ən yaşlı kişisi 113 yaşında öldü
20.01.2019, 15:20

Dünyanın ən yaşlı kişisi 113 yaşında öldü

Bakıda külək mərasim evini uçurub
20.01.2019, 15:14

Bakıda külək mərasim evini uçurub

Azərbaycanın elektrik enerjisi ixracı artıb
20.01.2019, 15:09

Azərbaycanın elektrik enerjisi ixracı artıb

Mədəniyyət Nazirliyinin kollektivi Şəhidlər xiyabanını ziyarət edib - FOTO
20.01.2019, 14:59

Mədəniyyət Nazirliyinin kollektivi Şəhidlər xiyabanını ziyarət edib - FOTO

Sovet qoşunlarının Bakıya müdaxiləsini erməni təcavüzündən ayrı təhlil etmək mümkün deyil - Elçin Əhmədov
20.01.2019, 14:50

Sovet qoşunlarının Bakıya müdaxiləsini erməni təcavüzündən ayrı təhlil etmək mümkün deyil - Elçin Əhmədov

İnsan özünün ya həkimidir, ya qənimi - Məşhur loğman YAZIR
20.01.2019, 14:41

İnsan özünün ya həkimidir, ya qənimi - Məşhur loğman YAZIR

“Avropa Şurasında Azərbaycanın qlobal rolunu yaxşı dərk edirlər”
20.01.2019, 14:30

“Avropa Şurasında Azərbaycanın qlobal rolunu yaxşı dərk edirlər”

Dağıstanda sosial problemlər...
20.01.2019, 14:17

Dağıstanda sosial problemlər...

İmişlidə yol qəzası: ölən və yaralananlar var
20.01.2019, 14:00

İmişlidə yol qəzası: ölən və yaralananlar var

Xalq şəhidlərin xatirəsini ehtiramla yad edir - FOTOLAR
20.01.2019, 13:45

Xalq şəhidlərin xatirəsini ehtiramla yad edir - FOTOLAR

Məzarsız şəhid, yaxud itkin düşmüş arzular...
20.01.2019, 13:32

Məzarsız şəhid, yaxud itkin düşmüş arzular...

Sevgilisinin məktubunu saxladığım şəhid
20.01.2019, 13:20

Sevgilisinin məktubunu saxladığım şəhid

Azərbaycanda ağır qəza: 3 yaralı var 
20.01.2019, 13:10

Azərbaycanda ağır qəza: 3 yaralı var 

Həftənin ilk iş gününün HAVASI
20.01.2019, 13:00

Həftənin ilk iş gününün HAVASI

Bakıda avtobus qəzası: yaşlı qadın ağır yaralandı - FOTO
20.01.2019, 12:45

Bakıda avtobus qəzası: yaşlı qadın ağır yaralandı - FOTO

“İslahat tərəfdarlarını gözdən salmağa çalışırlar” - Qüdrət Həsənquliyev
20.01.2019, 12:33

“İslahat tərəfdarlarını gözdən salmağa çalışırlar” - Qüdrət Həsənquliyev

Həm peşə, həm də Vətən borcu...   
20.01.2019, 12:21

Həm peşə, həm də Vətən borcu...  

Qara dənizdə azərbaycanlı kapitanın cəsədi tapıldı
20.01.2019, 12:06

Qara dənizdə azərbaycanlı kapitanın cəsədi tapıldı

20 Yanvar şəhidlərinin xatirəsi bir dəqiqəlik sükutla yad edildi 
20.01.2019, 12:00

20 Yanvar şəhidlərinin xatirəsi bir dəqiqəlik sükutla yad edildi 

20 Yanvar faciəsinə həsr olunan “Azadlıqla bitən SOS” adlı sənədli film hazırlandı – VİDEO
20.01.2019, 11:50

20 Yanvar faciəsinə həsr olunan “Azadlıqla bitən SOS” adlı sənədli film hazırlandı – VİDEO

“Mehman Hüseynov məsələsini şişirdib Azərbaycana qarşı istifadə edirlər” - Mübariz Qurbanlı
20.01.2019, 11:43

“Mehman Hüseynov məsələsini şişirdib Azərbaycana qarşı istifadə edirlər” - Mübariz Qurbanlı

Bakıda piyada keçidində vurulan qadın həkimdir
20.01.2019, 11:39

Bakıda piyada keçidində vurulan qadın həkimdir

Meksikada baş vermiş faciədə ölənlərin sayı 76-ya çatıb
20.01.2019, 11:34

Meksikada baş vermiş faciədə ölənlərin sayı 76-ya çatıb

İranlı şairənin inqilabı
20.01.2019, 11:22

İranlı şairənin inqilabı

"Bəzi qruplar ölkədə qarşıdurma yaratmağa cəhd edirlər" - Komitə sədri
20.01.2019, 11:21

"Bəzi qruplar ölkədə qarşıdurma yaratmağa cəhd edirlər" - Komitə sədri

20 Yanvar bütün türk dünyasının qürur günüdür - SƏFİR
20.01.2019, 11:10

20 Yanvar bütün türk dünyasının qürur günüdür - SƏFİR

Kamil Cəlilov: “20 yanvar hadisələrində mənim çalğım olmasaydı” - VİDEO   
20.01.2019, 10:56

Kamil Cəlilov: “20 yanvar hadisələrində mənim çalğım olmasaydı” - VİDEO  

İçki məclisində dava düşdü - Bir nəfər bıçaqlandı
20.01.2019, 10:53

İçki məclisində dava düşdü - Bir nəfər bıçaqlandı

Paytaxda yaşayış binasında yanğın   
20.01.2019, 10:36

Paytaxda yaşayış binasında yanğın  

Bakıda bu yollar bağlıdır - SİYAHI
20.01.2019, 10:34

Bakıda bu yollar bağlıdır - SİYAHI

20.01.2019, 10:29

"Arsenal" "Çelsi"ni məğlub etdi - VİDEO

Azərbaycanda zəlzələ olub
20.01.2019, 10:21

Azərbaycanda zəlzələ olub

Prezident və birinci xanım şəhidləri yad etdilər   
20.01.2019, 10:14

Prezident və birinci xanım şəhidləri yad etdilər  

Ermənilər rayonlarımızı atəşə tutdular
20.01.2019, 10:11

Ermənilər rayonlarımızı atəşə tutdular

20 yanvar hadisələri beynəlxalq hüquq kontektində   
20.01.2019, 10:00

20 yanvar hadisələri beynəlxalq hüquq kontektində  

Azadlıq yolunda qalxan bir vuruş...   
20.01.2019, 09:45

Azadlıq yolunda qalxan bir vuruş...  

ABŞ-da Azərbaycanı tanıdan işgüzar xanım...
20.01.2019, 09:38

ABŞ-da Azərbaycanı tanıdan işgüzar xanım...

Rusiyanın Qara dəniz donanması ABŞ gəmisinə qarşı
20.01.2019, 00:58

Rusiyanın Qara dəniz donanması ABŞ gəmisinə qarşı

Gülən xarici ölkələrdə gizlənən təşkilat üzvlərindən danışdı
20.01.2019, 00:32

Gülən xarici ölkələrdə gizlənən təşkilat üzvlərindən danışdı

Alimlərdən XƏBƏRDARLIQ: Uşaqlara qarşı bu hərəkətləri etməyin
20.01.2019, 00:14

Alimlərdən XƏBƏRDARLIQ: Uşaqlara qarşı bu hərəkətləri etməyin

Azərbaycan xalqı 20 Yanvar şəhidlərini yad edir
20.01.2019, 00:00

Azərbaycan xalqı 20 Yanvar şəhidlərini yad edir

Sürücülərə ŞAD XƏBƏR: Bu ərazilərdə dayanmaya icazə veriləcək - VİDEO
19.01.2019, 23:46

Sürücülərə ŞAD XƏBƏR: Bu ərazilərdə dayanmaya icazə veriləcək - VİDEO

“Heç bir ABŞ prezidenti mənim qədər iş görməyib” - Tramp
19.01.2019, 23:26

“Heç bir ABŞ prezidenti mənim qədər iş görməyib” - Tramp

Miqrantları daşıyan gəmi qəzaya uğradı - 117 itkin
19.01.2019, 23:13

Miqrantları daşıyan gəmi qəzaya uğradı - 117 itkin

İSESCO ilk dəfə olaraq 20 Yanvar faciəsi ilə bağlı bəyanat yaydı
19.01.2019, 22:52

İSESCO ilk dəfə olaraq 20 Yanvar faciəsi ilə bağlı bəyanat yaydı

Putin xaç suyuna girdi - VİDEO
19.01.2019, 22:35

Putin xaç suyuna girdi - VİDEO

Avropa İttifaqından daha bir ölkəyə sanksiya
19.01.2019, 22:17

Avropa İttifaqından daha bir ölkəyə sanksiya

Qadın özünü yanan binadan yerə atdı - VİDEO
19.01.2019, 21:58

Qadın özünü yanan binadan yerə atdı - VİDEO

Türkiyə 54 min suriyalıya vətəndaşlıq verib
19.01.2019, 21:41

Türkiyə 54 min suriyalıya vətəndaşlıq verib

ARXİV