COVID-19 virusundan ən çox zərər görənlərdən biri də AZAL-dır.
Modern.az-ın məlumatına görə, bunu "Azərbaycan Hava Yolları" QSC-nin vitse-prezidenti Eldar Hacıyev Nazirlər Kabineti yanında Operativ Qərargahın brifinqində deyib.
O qeyd edib ki, 2019-cu ildə Heydər Əliyev adına Hava Limanından 4 milyon 740 min sərnişinə xidmət göstərilmişdisə, 2020-ci ilin hazırkı dövründə 760 min sərnişinə xidmət göstərilib.
E.Hacıyevin sözlərinə görə, iyun ayının sonunadək 2 milyon yarıma qədər sərnişinə xidmət göstərilməliydi:
"Hər halda nə qədər geridə qaldığımızı bu rəqəmlər deyir".
AZAL rəsmisi deyib ki, ölkə prezidentinin xüsusi qayağısı ilə Azərbaycan Hava Yollarına maliyyə yardımı göstərilir:
"Əməkdaşlarımız əməkhaqlarını vaxtında alırlar, bir nəfər də olsun mütəxəssisimiz ixtisar olunmayıb".
