Ukraynada koronavirusla bağlı vəziyyətdə rekord göstərici qeydə alınıb. Belə ki, ölkədə son sutka ərzində 689 nəfərdə koronavirus aşkarlanıb.
Modern.az Ukrayna mediasına istinadən xəbər verir ki, bunu ölkənin Səhiyyə Nazirliyinin İctimai Sağlamlıq Mərkəzi açıqlayıb.
Çərşənbə günü 525, çərşənbə axşamı günü isə 394 nəfərin xəstələnməsi barədə xəbər verilirdi.
Ümumilikdə, pandemiyanın başladığı vaxtdan indiyədək 29 070 ukraynalı COVİD-19-a yoluxub. Son sutka ərzində 21 nəfər koronavirusun qurbanı olub. Ölənlərin ümumi sayı 854-dür.
