“Koronavirusa yoluxma bəzi qan qrupuna aid şəxslərdə problemli keçir”.
Modern.az-ın məlumatına görə, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Azərbaycan Tibb Universitetinin Tədris-Terapevtik Klinikasının reanimasiya şöbəsinin müdiri Emil Qasımov deyib.
Onun sözlərinə görə, 2-ci qan qrupuna aid xəstələrdə daha çox ağırlaşma baş verir: “Mart ayında Çində aparılan tədqiqatlar da bunu göstərirdi”.
Mərkəzi Neftçilər Xəstəxanasının həkim-infeksionisti Fərrux Sədirov deyib ki, bununla yanaşı ağciyərin funksiyalarını yaxşılaşdıran, antiviral preparatlardan da istifadə edilir.
“Xəstələr bütün preparatlarla dövlət tərəfindən təmin edilir. II qan qrupundan olanlarda COVID-19-dan ağırlaşma və ölüm halı daha çoxdur. I, III və IV qan qruplarından olanlarda ağırlaşmalar nisbətən daha azdır”, - deyə F. Sədirov qeyd edib.
