Son iki ildə Daxili İşlər Nazirliyinin "Qaynar xətt"inə müraciət edən azyaşlıların sayı çoxalıb.
Modern.az xəbər verir ki, bunu DİN-in Mətbuat xidmətinin KİV və ictimaiyyətlə əlaqələr şöbəsinin rəisi, polis polkovnik-leytenantı Elşad Hacıyev "Uşaqlar, hüquqlar, qəzalar və çıxış yolları" adlı tədbirdə deyib.
DİM rəsmisi bunun sevindirici hal olduğunu bildirib.
"Bu, o deməkdir ki, bizim uşaqlar da qanun pozuntularına reaksiyasız qalmırlar. Bu gün təhlükəsizlik məsələsi hər birimizi maraqlandırmalıdır. Hamımız ayıq-sayıq olmalıyıq. Daxili İşlər Nazirliyinin 102 "Qaynar xətt"i 7/24 fəaliyyət göstərir".
