50 il əvvəl Bakıda məzun olan 1 saylı fizika-riyaziyyat təmayüllü Respublika internat məktəbinin şagirdləri Məzun günündə görüşüblər.
Modern.az xəbər verir ki, onlar 1973-cü ildə bitirdikləri məktəbin həyətində bir araya gəliblər.
Bu barədə İTV-də material nümayiş olunub. Çəkiliş zamanı keçmiş şagirdlər parta arxasında əyləşdikləri siniflərində də olublar.
Sinifdəki 31 şagirddən cəmi 18-i bir araya gələ bilib. 6 nəfəri vəfat edib. 6 nəfər haqqında isə məlumat yoxdur. Onlar sinif rəhbərləri Tahirə Ağayevanı da görməyə gediblər. Onun hazırda 85 yaşı var.
