Milli Məclisin Səhiyyə komitəsində müzakirəyə çıxarılan “Dərman vasitələri haqqında” Qanuna edilməsi nəzərdə tutulan dəyişikliklərin sayı müəyyənləşib.
Modern.az xəbər verir ki, bu barədə qanun layihəsini təqdim edən Milli Məclis Aparatının Sosial qanunvericilik şöbəsinin müdiri Adil Vəliyev bildirib.
“Qanuna 4 yeni maddənin əlavə olunması, milli qanunvericiliyimizə 18 yeni anlayışın gətirilməsi, eyni zamanda 11 maddə üzrə 86 dəyişikliyin edilməsi təklif olunur”,- deyə o bildirib.
Ümumilikdə isə qanun layihəsində 7 istiqamət üzrə dəyişikliklər nəzərdə tutulub.
