Dekabrın 6-da Xaçmaz rayonunun Çarxı kəndində Milli Məclisin deputatı Mahir Süleymanlı növbəti vətəndaş qəbulnu keçirib.
Deputatın qərargahından Modern.az-a bildirilib ki, görüş zamanı kənd sakinlərinin su, qaz təchizatı, eləcə də məşğulluq və işsizliklə bağlı problemləri dinlənilib. Səsləndirilən məsələlərin bir qismini yerindəcə həll edilib, digərlərini isə qeydə alaraq səlahiyyət çərçivəsində həllinə çalışacağı qeyd edilib.
Bundan əlavə, deputat şəhid Mahir Məmmədovun ailəsini ziyarət edib. Şəhidin anası Timziyə Məmmədova ilə görüş zamanı onun qayğı və ehtiyacları ilə maraqlanıb.
Prezident, Müzəffər Ali Baş Komandan İlham Əliyev və Birinci vitse-prezident Mehriban xanım Əliyevanın Azərbaycanın ərazi bütövlüyü uğrunda canlarından keçmiş şəhid ailələrinə göstərdiyi diqqət və qayğını xüsusi vurğulanıb. Şəhidin anası göstərilən bu yüksək diqqətə görə dərin minnətdarlığını ifadə edib.
