“Krım və Sevastopol bütün ölkə üçün strateji əhəmiyyət kəsb edir”.

Modern.az xəbər verir ki, bunu Rusiya prezidenti Vladimir Putin Krımın və Sevastopolun sosial-iqtisadi inkişafı ilə bağlı məsləhətləşmələr zamanı bildirib.

“Bugünkü görüş bütün ölkə üçün strateji olmasa da, ciddi əhəmiyyət kəsb edən iki regionumuzun inkişafına həsr olunub. Onlar Krım Respublikası və Sevastopol şəhəridir”, - Putin deyib.

Onun sözlərinə görə, Krım və Sevastopol Rusiyaya birləşdikdən sonra bir çox sahələrdə heyrətamiz uğurlar əldə ediblər. Putinin sözlərinə görə, bu, ilk növbədə, həyat keyfiyyətinə, sosial sahənin inkişafına, iqtisadiyyatın baza sektorlarına aiddir. Putin bildirib ki, son 10 ildə Krım və Sevastopolda regional ÜDM-in həcmi dəfələrlə artıb, investisiyaların sürəti dinamik şəkildə yüksəlib.

“2014-cü ildən 2023-cü ilə qədər 10 il ərzində ümumi regional məhsulun həcmi artıb. Krımda 3,7 dəfə, Sevastopolda isə 8,7 dəfə”

Rusiya prezidentinin qiymətləndirməsinə görə, Krım və Sevastopolun öz gəlirlərində daha da artım gözlənilir. Putin vurğulayıb ki, Krım və Sevastopol üçün xeyli vəsait ayrılır və onlardan istifadəyə ciddi nəzarət edilməlidir.

Rusiya prezidenti əvvəllər də dəfələrlə vurğulamışdı ki, Krım məsələsi Moskva üçün bağlanıb, yarımadada referendum beynəlxalq hüquq normalarına ciddi şəkildə uyğun keçirilib.
Xatırladaq ki, Rusiya Krımda 2014-cü ilin martında referendum keçirib və sakinlərin əksəriyyəti Rusiyaya birləşmənin lehinə səs verib.