Rusiya və Ukrayna arasında növbəti əsir mübadiləsi həyata keçirilib.
Modern.az xəbər verir ki, bu barədə Ukrayna prezidenti Vladimir Zelenski bildirib.
Ukrayna KİV-nin məlumatına görə, Kiyev Rusiya əsirliyindən daha 25 nəfəri geri qaytarıb.
"İnsanlarımızı vətənə qaytarmaq Ukraynanın daim üzərində işlədiyi bir məsələdir. Biz bütün insanlarımızı geri qaytarmayana qədər dayanmayacağıq. Bu gün daha 25 soydaşımız Ukraynaya qayıdıb. Bunlar bizim hərbçilər və mülki şəxslərdir. Onların arasında Mariupol və Azovstalın müdafiəçiləri, eləcə də bizim Xarkov bölgəsi, Donbass, Zaporojye, Xerson bölgəsinin insanları var".
Zelenskinin sözlərinə görə, geri qayıdanlar ağır xəsarətlər və xəstəliklərə məruz qalıblar.
