Səhiyyəmizin inkişafı istiqamətində mütəmadi olaraq yeni layihələr həyata keçirən Referans Klinik Laboratoriya və Poliklinika Mərkəzi daha bir uğura imza atıb.
Modern.az xəbər verir ki, Referans Klinik Laboratoriya və Poliklinika Mərkəzinin Nəsimi filialı daxilində “Qaraciyər Xəstəliklərinin Müalicə və Diaqnostika Mərkəzi” fəaliyyətə başlayıb.
Referansın yeni mərkəzi peşəkar mütəxəssislərdən ibarət komanda, müasir tibbi avadanlıqlarla təchiz edilmiş müayinə otaqları və hər bir pasiyentə fərdi yanaşma prinsipi ilə fərqlənərək qaraciyər və mədə-bağırsaq sisteminin sağlamlığını əhatə edən geniş və kompleks tibbi xidmətlər təqdim edir.
Burada qaraciyər xəstəlikləri üçün qan testləri, peyvəndləmə, fibroscan müayinəsi, ultrasəs müayinəsi (USM) və digər diaqnostik üsullar, həmçinin mədə-bağırsaq sisteminin xəstəliklərinin müayinəsi üçün kolonoskopiya, qastroskopiya (FQDS), mədə-bağırsaq traktının rentgen müayinəsi kimi xidmətlər icra olunur.
Azərbaycan Qastroenteroloqlar və Hepatoloqlar İctimai Birliyinin sədri, tibb üzrə fəlsəfə doktoru, qastroenteroloq-hepatoloq Dr. Gülnarə Ağayevanın rəhbərlik etdiyi mərkəzdə hər növ qaraciyər xəstəlikləri, mədə-bağırsaq sisteminin xəstəliklərinin müayinəsi və laborator müayinələr ən son metodlarla dəqiqliklə aparılır.
Mərkəzin əsas üstünlüyü qaraciyər problemi ilə müraciət edən pasiyentlərin qaraciyər xəstəliklərinin təyinində ən əhəmiyyətli müayinələrədən biri olan “Fibroscan” (Fibroscan cihazı) və USM müayinələrindən keçərək dəqiq diaqnozunun təyin edilməsidir.
“Fibroscan” müayinəsi beynəlxalq protokollarda öz əksini tapmış qaraciyər sirrozunu və fibroz dərəcəsini dəqiq təyin edən müayinə metodudur. Bu cihazlar pasiyentlərin sağlamlığını qorumaq üçün son dərəcə əhəmiyyətlidir və onların müalicə prosesini daha effektiv edir.
