Ermənistan Milli Təhlükəsizlik Xidmətinin direktoru Armen Abazyanın vəzifədən azad olunmasının səbəbləri açıqlanıb.
Modern.az xəbər verir ki, Ermənistan KİV-nin məlumatına görə, Armen Abazyan baş nazir Nikol Paşinyanın biznesmen Samvel Karapetyana qarşı tədbir görülməsi tələbini yerinə yetirməkdən imtina etdiyi üçün tutduğu vəzifədən çıxarılıb.
Politoloq Qrant Melik-Şahnazaryan bildirib ki, bir neçə gün əvvəl Milli Təhlükəsizlik Xidmətinin Katolikos II Qaregini hava limanında qarşılayan vətəndaşlara qarşı hər hansı tədbir görməkdən imtina etdiyi barədə də məlumat yayılıb.
Melik-Şahnazaryanın sözlərinə görə, Armen Abazyan bir neçə gün öncə Samvel Şahramanyanı qondarma “artsax” rəhbərliyinə öz namizədliyini irəli sürməməyə məcbur edib və bununla da “artsax”ın “prezidentsiz” qalması üçün hər şeyi edib.
