Mingəçevirdə avtobus yeniyetmə piyadanı vurub.
Modern.az APA-ya istinadən xəbər verir ki, hadisə şəhərdaxili marşrut avtobusunun hərəkət xətti üzərində baş verib.
Sərnişin avtobusu yolu keçmək istəyən 2004-cü il təvəllüdlü şəhər sakini Abdullazadə Şəbnəm Yaməddin qızını vuraraq ona xəsarət yetirib. Yaralı qız xəstəxanaya yerləşdirilib. Hazırda onun vəziyyəti qənaətbəxş hesab olunur.
Faktla bağlı araşdırma aparılır.
