Türkiyənin Anadolu Agentliyi ABŞ Mərkəzi Komandanlığından və digər açıq mənbələrdən əldə edilən məlumatları araşdıraraq İrana hücumun ilk günündə ABŞ-ın xərclərini hesablayıb.
Modern.az xəbər verir ki, agentliyin hesablamalarına görə, ABŞ ilk gündə 779 milyon dollar xərcləyib ki, bu da ABŞ-ın 2026-cı il üçün hərbi büdcəsinin 0,1%-ni təşkil edir.
Təxminən 200 Tomahavk raketinin istifadəsinə 340 milyon dollar xərclənib.
İlkin hesablamalara görə, döyüş təyyarələri ilə yanaşı, P-8 dəniz patrul təyyarələri, RC-135 kəşfiyyat təyyarələri, hava tankerləri, HIMARS batareyaları və digər yerüstü bölmələr də yerləşdirilib və onların bir gündə istifadəsinin ümumi dəyəri 423 milyon dollar təşkil edib.
