“Sevgi” filmi ilə məşhurlaşan bolqariyalı məşhur aktrisa Violeta Doneva Sofiyadakı mənzilində qətlə yetirilib.
Modern.az xarici mətbuata istinadən xəbər verir ki, 79 yaşlı aktrisanın meyiti polis tərəfindən aşkarlanıb.
Onun bədənində zorakılıq izləri aşkar edilib. Məlumata görə, hazırda əsas şübhəli aktrisanın psixi pozğunluğu olan yaxın qohumlarından biri hesab edilir.
Qeyd edək ki, Donevanın oynadığı "Sevgi" filmi 1973-cü ildə VIII Moskva Beynəlxalq Film Festivalının Qızıl Mükafatını qazanıb.
