Çində koronavirusa sutkalıq yoluxma sayı ilk dəfə 40 mini ötüb.
Modern.az xəbər verir ki, bu barədə Çinin Səhiyyə Məsələləri üzrə Dövlət Komitəsi məlumat yayıb.
Bildirilib ki, ötən sutkada Çin ərazisində COVID-19 virusuna 40 273 yoluxma, o cümlədən 36 min 525 asimptomatik hal aşkarlanıb.
Məlumata görə, ardıcıl 5 gündür ki, Çində sutkalıq yoluxma sayında antirekord qeydə alınır.
Çində yoluxmaların əsas ocaqları paytaxt Pekin, Quancou, Çonçin, Cencou və Çendu şəhərləridir.
