Rusiya öz səhvini anlayana qədər Ukraynadakı müharibə daha bir neçə il davam edə bilər.
Modern.az xəbər verir ki, bunu Polşanın xarici işlər naziri Radek Sikorski deyib.
O qeyd edib ki, müharibəni bitirən Putin olmayacaq.
“Putin geri dönüşü olmayan nöqtəni keçib. O, indi hərbi cinayətdə ittiham olunur və düşünürəm ki, bu müstəmləkə müharibəsi nə vaxtsa onu başladandan fərqli komanda tərəfindən başa çatdırılacaq”, – Sikorski bildirib.
O deyir ki, müstəmləkə müharibələri adətən on il davam edir və bu müddət ərzində ölkə müharibəyə başlamağın səhv olduğu qənaətinə gəlməlidir.
