İsrail və HƏMAS 30 günlük atəşkəsə razılaşıblar. Bu müddət ərzində onlar məhbusları dəyişdirməyi planlaşdırırlar.
Modern.az xəbər verir ki, bunu "Reuters" yazıb.
Agentlik üç mənbəyə istinadən bildirib ki, prinsipial razılıq əldə olunub, lakin Qəzza zolağında hərbi əməliyyatların dayandırılması ilə bağlı fikir ayrılıqları səbəbindən hər iki tərəf konkret planı ləngidir. Qətər, Misir və ABŞ-ın vasitəçiliyi ilə “intensiv” danışıqlar aparıldığı və “hər an” razılaşmanın bağlana biləcəyi iddia edilir.
Mənbə bildirib ki, danışıqların sonuncu raundu dekabrın 28-də başlayıb. Məlumata görə, 30 günlük atəşkəs HƏMAS-ın bir neçə ay ərzində atəşkəs təklifindən sonra razılaşdırılıb.
"Reuters" həmçinin bildirir ki, İsrail hakimiyyəti mərhələli danışıqlar aparmağa çalışır, HƏMAS rəsmiləri isə paket sövdələşməsinə can atırlar. Qrupun nümayəndələri həmçinin bildiriblər ki, onlar Qəzza zolağında israilli girovlar azad edildikdən sonra IDF-nin döyüşləri bərpa edəcəyindən ehtiyat edirlər.
Bununla yanaşı, yaraqlılar hesab edirlər ki, istənilən razılaşmada İsrail qoşunlarının Qəzza zolağından çıxarılması nəzərdə tutulmalıdır. Agentlik bildirir ki, İsrail HƏMAS-ın ləğvini ehtiva etməyən müharibənin hər hansı bir sona çatması ilə razılaşmır.
