Yanvarın ilk həftəsində Yaponiyada baş verən bir neçə zəlzələdə ölənlərin sayı 236 nəfərə çatıb.
Modern.az İsikava prefekturasının rəhbərliyinin yaydığı məlumata əsasən xəbər verir ki, zəlzələlərdə yaralanan 1 178 nəfərin müalicəsi davam edir.
Təbii fəlakət zamanı 43 min 380 bina zərər çəkib. Hazırda 14 mindən çox insan 490 təxliyyə məntəqəsində qalır, 3 min 500 ev elektrik enerjisindən məhrum olub.
Xatırladaq ki, yanvarın 1-dən 5-dək Noto yarımadasında və İşikava sahillərində 5-7 maqnitudada bir neçə zəlzələ baş verib.
