Rusiya prezidenti Vladimir Putin ordu haqqında feyklərə görə əmlakın müsadirə edilməsi haqqında qanun imzalayıb.
Modern.az xəbər verir ki, bu barədə TASS məlumat yayıb.
***
31.01.2024 / 13:48
Rusiyada dövlət təhlükəsizliyi əleyhinə cinayətlərə görə əmlakın müsadirə edilməsi haqqında qanun Dövlət Dumasında ikinci və üçüncü oxunuşlarda qəbul edilib.
Modern.az "Kommersant"a istinadən xəbər verir ki, digər şeylərlə yanaşı, tədbir ordu haqqında hakimiyyətin etibarsız hesab etdiyi məlumatların yayılması üçün tətbiq oluna bilər.
Dövlət Dumasının sədri Vyaçeslav Volodin səsvermənin nəticələrini şərh edib: "Qəbul edilmiş qərar öz ölkəsinə qarşı fəaliyyət göstərənləri cəzalandırmaq imkanı verəcək - bu əclafları fəxri adlardan məhrum etməyə, habelə əmlaklarını, pullarını və digər qiymətli əşyalarını müsadirə etməyə imkan verəcək".
O, sənədin özünü “əclaflar haqqında qanun” adlandırıb.
Qanun layihəsi Dövlət Dumasına yanvarın 22-də təqdim edilib, onun müəllifləri palatanın spikeri Vyaçeslav Volodinin başçılıq etdiyi 395 deputat olub. Sənədin birinci oxunuşu yanvarın 24-də baş tutub. Rusiya Federasiyası Cinayət Məcəlləsinin iki maddəsinə - ordu haqqında saxta məlumatların yayılmasına (maddə 207.3) və dövlətin təhlükəsizliyinə qarşı yönəlmiş fəaliyyətə çağırışlara dair (maddə 280.4) dəyişikliklər edilir. Müəlliflər muzdla və tamah məqsədilə cinayət törətmiş məhkumların əmlakının müsadirə edilməsini təklif edirlər. Yalnız cinayətin törədilməsində istifadə edilmiş əmlakın müsadirə ediləcəyi güman edilir. Dövlətlərin təhlükəsizliyinə qarşı yönəlmiş fəaliyyətlərə Cinayət Məcəlləsinin 30-dan çox maddəsi daxildir.
