Macarıstan Ukraynadakı minaları təmizləmək üçün NATO koalisiyasına qoşulub.
Modern.az UNIAN-a istinadən xəbər verir ki, bu barədə Macarıstanın müdafiə naziri Kriştof Salay-Bobrovnitski bildirib:
"Müharibə şəraitində olan Ukraynada minalardan təmizləmə əhalinin gündəlik həyatına təsir edən ən aktual vəzifələrdən biridir. Macarıstan Müdafiə Qüvvələri minalardan təmizləmə təlimləri keçirməklə Litvanın rəhbərlik etdiyi koalisiyanın fəaliyyətinə töhfə verəcək".
Xatırladaq ki, 2022-ci ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb. Krım isə 2014-cü ildə ilhaq olunub.
