Böyük Britaniya hökuməti rusiyalı müxalif siyasətçi Aleksey Navalnının həbsdə müəmmalı ölümünü müzakirə edəcək.
Modern.az xəbər verir ki, bu barədə BBC məlumat yayıb.
Böyük Britaniyanın baş naziri Rişi Sunak həftəlik Nazirlər Kabinetinin iclasını bu gün keçirəcək. Cədvəldəki bu dəyişiklik Aleksey Navalnının ölümü ilə bağlıdır. Sunak Britaniya hökuməti ilə mövcud vəziyyəti mümkün qədər tez müzakirə etmək istəyir.
“Aydındır ki, Rusiya hakimiyyəti onu təhdid kimi görürdü, ona görə də o, qondarma ittihamlarla həbs edilib”, - deyə baş nazirin ofisinin sözçüsü bildirib.
Böyük Britaniya hökuməti Navalnının ölümü ilə bağlı hərtərəfli araşdırma aparmaq və onun ölümündə əli olanların cəzalandırılmasını tələb etmək niyyətindədir. Londonun növbəti addımlarının müəyyən ediləcəyi gözlənilir.
