Avropa İttifaqı müdafiə sənayesini müharibə iqtisadiyyatı rejiminə keçirə bilər.
Modern.az xəbər verir ki, bu barədə UNIAN məlumat yayıb.
Belə ki, Avropa Komissiyası Rusiyanın Ukraynaya müdaxiləsinə cavab olaraq “müharibə iqtisadiyyatına” keçə bilməsi üçün Avropa İttifaqına müdafiə sənayesini gücləndirmək yollarını təklif edib.
Aİ rəsmiləri ittifaq orqanlarının müdafiə sənayesi siyasətində daha böyük rol oynamasını istəyirlər. Təhlilçilər hesab edir ki, müharibə Avropa sənayesinin böyük miqdarda artilleriya sursatına tələbatın qəfil artması kimi bəzi ciddi çağırışlara zəif şəkildə hazır olduğunu üzə çıxarıb.
