Türkiyənin Sakarya vilayətinin Hendek rayonunda saxlanılan yük avtomobilində 700 kiloqram at və eşşək əti ələ keçirilib.
Modern.az Türkiyə mətbuatına istinadən xəbər verir ki, ətlər Adanadan İstanbula aparılırmış.
Nəqliyyat vasitəsinə baxış zamanı 700 kiloqram at və eşşək əti götürülüb. Saxlanılan 3 şübhəli şəxs barəsində məhkəmə və inzibati işlərə başlanılıb. Araşdırmalar nəticəsində at və eşşək ətindən İstanbulda kolbasa hazırlanıb bazara çıxarıldıqdan sonra Düzceyə aparılacağı müəyyənləşib.
Bazara çıxarılmadan əvvəl ələ keçirilən 700 kiloqram ət götürülən nümunələrin müayinəsindən sonra məhv edilib.
