CNN-in məlumatına görə, ABŞ İsrailə 18 milyard dollardan çox qiymətə F-15 qırıcı təyyarələrinin satışını nəzərdən keçirir.
Modern.az xəbər verir ki, Nümayəndələr Palatasının Xarici Əlaqələr Komitəsinin adı açıqlanmayan üzvü "The Hill"ə administrasiyanın artıq qeyri-rəsmi olaraq konqresin müvafiq panellərini yaxınlaşan satışla bağlı xəbərdar etdiyini təsdiqləyib.
"Politico" yazıb ki, ümumilikdə İsrail 50-yə qədər yeni F-15 döyüş təyyarəsi, qabaqcıl AIM-120 orta mənzilli hava-hava raketləri və sursat paketləri ala bilər. Nəşr iddia edir ki, Konqresə fevral ayında qırıcı təyyarələrlə bağlı gözlənilən razılaşma barədə məlumat verilib, lakin “silahların İsrailə çatması üçün illər keçəcək”.
