Rusiya prezidenti Vladimir Putin 10 mindən çox abunəçisi olan blogerlərin qeydiyyatı haqqında qanunu imzalayıb.
Modern.az xəbər verir ki, bununla “Blogerlərin reyestri haqqında” qanun qüvvəyə minib.
Blogerlər xüsusi reyestrə daxil edilmək üçün özləri haqqında məlumatları "Roskomnadzor"a təqdim etməlidirlər. Əks təqdirdə kanalı bloklana bilər. Ərizəyə hansı məlumatların daxil edilməsinin lazım olacağı hələ məlum deyil. Amma söhbət istənilən sosial şəbəkələrdəki bloqlardan gedir.
Eyni zamanda, qeydiyyatdan keçməmiş kanallarda reklamlar, ianə keçidləri yerləşdirmək və ya məzmunu başqa üsullarla monetizasiya etmək mümkün olmayacaq. "Roskomnadzor" reyestrində qeydiyyatdan keçmiş blogerlərə də qeydiyyat olmadan kanallardan "repost" etmək qadağan olunacaq.
