Fransa Prezidenti Emmanuel Makron bu gün ölkənin Silahlı Qüvvələri qarşısında çıxışı zamanı sağ gözünün qızarması ilə diqqət çəkib.
Modern.az xəbər verir ki, bu barədə “Le Figaro” qəzeti məlumat yayıb.
Mərasimə gün eynəyi ilə gələn, lakin çıxış zamanı onları çıxaran Makron görünüşü ilə bağlı zarafat etməkdən də çəkinməyib. O, gözünün vəziyyətini məşhur “Rokki” filmindəki “Eye of the Tiger” mahnısına bənzədib.
"Yeni ilin əvvəlində sizə ən xoş arzularımı çatdırmaq istəyirəm. Gözümün xoşagəlməz görünüşünə görə üzr istəyirəm... Bunu ilin əvvəlindəki "pələng gözü"nə təsadüfən istinad kimi qəbul edin", - o deyib.
