İsrail ordusunun xüsusi təyinatlıları Suriyanın Deraa əyalətində iki yaşayış məntəqəsində əməliyyat həyata keçirib.
Modern.az xəbər verir ki, bu barədə Al Mayadeen telekanalı məlumat yayıb.
Məlumata görə, hərbçilər yeddi zirehli texnika ilə Yarmuk çayı yaxınlığında yerləşən Masartiya qəsəbəsinə daxil olaraq evlərdə axtarış aparıblar. Əməliyyat zamanı radikal qruplarla əlaqədə şübhəli bilinən iki nəfər saxlanılıb.
Bildirilir ki, digər xüsusi təyinatlı dəstə Saysun yaşayış məntəqəsində də əməliyyat keçirib və əraziyə gedən yollar müvəqqəti olaraq bağlanıb.
