Ukrayna Prezidenti Volodimir Zelenski 21 fevralda Milli Təhlükəsizlik və Müdafiə Şurasının katibi Rustam Umerov ilə danışıqlara hazırlıq məsələlərini müzakirə edib.
Modern.az xəbər verir ki, o, Umerova tapşırıb ki, Yaxın Şərq və Türkiyədəki tərəfdaşlarla daha fəal işləsin və Ukraynaya Rusiya təcavüzünə qarşı dəstəyin artırılmasına kömək etsinlər.
Zelenski həmçinin qeyd edib ki, Ukrayna sülh prosesində lazım olan bütün addımları atacaq və hər hansı maneə yaratmayacaq. O, Avropa tərəfdaşları ilə görüşlərin gələn həftə planlaşdırıldığını və koordinasiyanın gücləndiriləcəyini vurğulayıb.
Eyni zamanda, Zelenski NATO Baş Katibi Mark Rutte ilə ABŞ və Rusiya ilə yeni üçtərəfli danışıqlara hazırlıq və tərəflərin mövqelərində mümkün dəyişiklikləri müzakirə edib. (UNN)
