İsrailin Hərbi Hava Qüvvələri (HHQ) İranın paytaxtı Tehrana növbəti aviazərbələr seriyası endirməyə başlayıb.
Modern.az xəbər verir ki, bu barədə İsrail Müdafiə Qüvvələrinin mətbuat xidməti məlumat yayıb.
Bəyanatda qeyd olunub ki, hücumun obyektləri şəhərdə yerləşən hökumət binaları olub.
Bundan qısa müddət sonra İranın "Tasnim" agentliyi Tehranın bir sıra rayonlarında silsilə partlayışların olduğunu təsdiqləyib. Şəhərdə hava hücumundan müdafiə sistemlərinin atış səsləri eşidilir. Nəşrin məlumatına görə, partlayışlar Tehranın mərkəzi və şimal hissələrində qeydə alınıb, bununla belə hazırda dəymiş ziyanın miqyası barədə məlumat yoxdur.
