Danışıqlar uğursuz olarsa, ABŞ İrana qarşı hücumları bərpa edəcək.
Modern.az xəbər verir ki, bu barədə prezident Donald Tramp "New York Post" qəzetinə verdiyi açıqlamada deyib.
"Gəmilərimizi yenidən qururuq. Onları ən yaxşı sursatlarla, indiyə qədər istehsal olunmuş ən yaxşı silahlarla, hətta əvvəllər onları məhv etdiyimiz zaman istifadə etdiyimizdən daha yaxşı silahlarla doldururuq. Əgər razılaşma əldə etməsək, onlardan çox səmərəli şəkildə istifadə edəcəyik."
ABŞ-İran danışıqlarının bu gün İslamabadda keçirilməsi planlaşdırılır. Tehran bildirib ki, danışıqlar başlamazdan əvvəl Vaşinqton İsrailin Livana hücumlarını dayandırmasını və İran aktivlərinin dondurulmasını aradan qaldırmasını təmin etməlidir. Donald Tramp bildirib ki, sülhün əsas şərti İranın nüvə silahlarından imtina etməsidir.
