Misli Premyer Liqasının XXV turunda lider "Sabah" növbəti qələbəsini qazanıb.
Modern.az xəbər verir ki, "Bank Respublika Arena"da "Sumqayıt"ı qəbul edən kollektiv 3:1 hesablı qələbə qazanıb. Bununla da xallarının sayını 62-yə çatdıran "Sabah" turnir cədvəlinin vahid lideridir. "Sumqayıt" isə 32 xalla yeddinci sırada qərarlaşıb.
Qeyd edək ki, turun əvvəlki oyunlarında "Araz-Naxçıvan" "Şamaxı"nı (1:0), "Zirə" isə "Karvan-Yevlax"ı (1:0) məğlub edib.
