Bakıda köhnə binaların söküntüsü Dövlət Şəhərsalma və Arxitektura Komitəsinin təqdim etdiyi sənəd əsasında həyata keçirilir. İstifadə müddəti bitmiş binalardan başqa qəzalı halda olan və planlı ərazilərə düşən binalar da sökülə bilər. Hazırda Bakıda Sovet dövründə inşa edilmiş binaların söküntüsü davam etdirilir.
Əmlak məsələləri üzrə ekspert Ramil Osmanlı Modern.az-a açıqlamasında bildirib ki, hazırda Bakının hər 12 rayonunda köhnə binalar var. Və müvafiq ardıcıllıqla hamısı söküləcək:
“Sovet dövründə tikilmiş binalar - "Xruşşovka" (1950–1960), "Brejnevka"lar (1970–1980), Lenin layihəsi (1950–1960), Alman layihəsi (1960–1970), "Stalinka" (1930–1950), hamısı söküləcək. Bu binaların istismar müddəti o dövr üçün 50-60 il nəzərdə tutulub. Amma hələ də yaşayış var”.
