Şəhid olan pilot, mayor Təbriz Musazadənin oğlu Onur Musazadə atası ilə fəxr etdiyini deyib.
“Qafqazinfo”ya danışan O. Musazadə bildirib: “Atamla fəxr edirəm və ona layiqli övlad olacağam. Onlar qəhrəmandılar...”Digər pilot, mayor Urfan Vəlizadənin həyat yoldaşı Könül Vəlizadə isə belə deyib: “Özü dedi ki, gedib ermənilərin qanını içəcəyəm.
Deyirdi o torpaqlar bizimdir. Bunu balaca uşaqlarımıza saxlamalı deyilik. Onunla fəxr edirik. Bütün Azərbaycan onu tanımalıdır.
Urfan mənim sinif yoldaşım olub.
Bu ilin iyunun 26-da toyumuzun 10 ili tamam olacaqdı. Toyumuz Silahlı Qüvvələr günü olub”.
Şəhid polkovnik-leytenant Murad Mirzəyevin yoldaşı Fizzə Mirzəyeva: “Onunla fəxr edirəm”.
Bəkir İsmayılovun həyat yoldaşı Şəbnəm xanım: “Fəxr edirəm ki, o cür qayğıkeş bir insanın həyat yoldaşıyam. O, bizi uca zirvələrə qaldırdı. Bütünlüklə vətənə bağlı idi, bütün Azərbaycanın övladı idi”.
