Əsir və itkin düşmüş, girov götürülmüş vətəndaşlarla əlaqədar Dövlət Komissiyası Beynəlxalq Qırmızı Xaç Komitəsinə (BQXK) müraciət edərək Ermənistanı müharibə qaydalarını pozmaqdan çəkindirməyə çağırıb.
Komissiya Ermənistanın bu addımlarının beynəlxalq humanitar hüquq normalarına, müharibə qaydalarına zidd olduğunu, adi insani dəyərlərə hörmətsizlik kimi qiymətləndirdiyini BQXK-nın diqqətinə çatdırıb və qarşı tərəfi bu əməllərdən çəkindirməyə çağırıb.
Məsələ ilə bağlı BQXK-nın Bakı nümayəndəliyinin İctimaiyyətlə əlaqələr şöbəsinin rəhbəri İlahə Hüseynova Modern.az saytına deyib ki, münaqişə tərəfləri ilə danışıqlar davam etdirilir:
“Beynəlxalq Qırmızı Xaç Komitəsi tərəflərlə olan dialoqun məzmununu ictimailəşdirmir. Çünki, münaqişə tərəfləri ilə olan dialoqlar konfidensial xarakter daşıyır və ikitərəfli söhbətin bir hissəsidir”.
Gülşən RAUFQIZI
