2016-2017-ci tədris ilində I-IV qruplar üzrə ali təhsil müəssisələrinə qəbul imtahanlarında iştirak etmək üçün ərizə qəbulunun vaxtı sabahadək uzadılıb.
Tələbə Qəbulu üzrıə Dövlət Komissiyasından (TQDK) mətbuat xidmətindən Modern.az-a verilən məlumata görə, elektron ərizə qəbulu aprelin 29-u saat 13:00-dək davam edəcək.
Bu gün saat 17:22-dək ali məktəblərə 81293 nəfər ərizə verib.
Onlardan 74161 nəfəri Azərbaycan, 7132 nəfəri isə rus bölməsinin məzunlarıdır. Ərizə verənlərdən 32548-i I, 22792-i II, 20289- i III, 5664-ü isə IV ixtisas qrupu seçib.
Aytən ZƏHRA
