Bakı şəhər Mənzil-Kommunal Təsərrüfatı Departamentinin tabeliyində olan bəzi mənzil-kommunal təsərrüfatı birliklərində (MKTB) artırılmış xərclər aşkar olunub.
Modern.az-ın məlumatına görə, bu barədə Hesablama Palatasının 2017-ci il üzrə hesabatında qeyd olunub.
Sənəddə bildirilir ki, bəzi MKTB-lər tərəfindən mühasibat uçotunun düzgün aparılmaması nəticəsində 2016-cı ildə alınan uzun müddətli aktivlərin istismara verildiyi tarixdə və qısa müddətli aktivlərin istifadəsi üçün müvafiq sahələrə məxaric edildiyi tarixdə dəyərinin düzgün olmayaraq xərcə silinməsi nəticəsində ümumilikdə 413,2 min manat mənzil fondunun artırılmış xərcləri müvafiq qaydada azaldılıb.
