Azərbaycan Respublikasının Prezidenti İlham Əliyev Milli Məclisin bu il iyunun 19-da qəbul etdiyi “Təhsil haqqında” Qanunun tətbiq edilməsi barədə fərman imzalayıb. Fərmana əsasən, Nazirlər Kabineti üç ay müddətində qüvvədə olan qanunvericilik aktlarının “Təhsil haqqında” qanuna uyğunlaşdırəlması, qanunda nəzərdə tutulmuş vəzifələrlə bağlı müvafiq dövlət orqanlarının əsasnamələrinə əlavələrin edilməsi barədə təklifləri ölkə başçısına təqdim etməlidir. Nazirlər Kabineti səlahiyyətləri daxilində “Təhsil haqqında” qanundan irəli gələn digər məsələləri də həll etməlidir.
