Bu gün səhər saatlarında Yasamal rayonu, Şərifzadə küçəsi 8-də, ATV telekanalının arxasındakı binada yaşayan Tariyel Əhmədovun meyiti tapılıb. Hüquq-mühafizə orqanlarından “Üç nöqtə” qəzetinə verilən məlumata görə, mərhumun meyiti həmin ərazidəki idman meydançasından tapılıb.
Hələlik ölümün səbəbi bilinməsə də, T.Əhmədovun turnikdən yıxılması və ya ürək tutmasından dünyasını dəyişməsi versiyaları irəli sürülür. Hazırda Bakı şəhər Baş Polis İdarəsinin, Yasamal RPİ-nin rəhbərliyi hadisə yerindədir. Faktla bağlı Yasamal rayon Prokurorluğunda araşdırma aparılır.
Yasamal RPİ-nin 28-ci polis bölməsindən meyitin baş nahiyyəsində xəsarət izləri aşkar olunduğu bildirilib. Hazırda bununla bağlı araşdırma aparılır. Xəsarət yıxılma nəticəsində və ya küt alətlə vurulması barədə hər hansı konkret rəy verilmir.
Mərhum Tariyel Əhmədov «Təfəkkür» Universitetinin prorektorudur.
Modern.az
