Arxiv
4 Avqust 2018, 15:22 | MƏDƏNİYYƏT
Aygün Bayramova: “İpə-sapa yatmırdım” - MÜSAHİBƏ

 

Vikipediyaya görə, bu gün Azərbaycan xanəndəsi və opera müğənnisi, Xalq artisti Aygün Bayramovanın doğum günüdür.  Yəni biz  belə bilirdik.

 

Modern.az saytının əməkdaşı Xalq artistinin doğum günü təəssüratlarını öyrənmək üçün onunla əlaqə yaradarkən məlum oldu ki,  xanəndənin doğum günü əslində 13 avqustdadır. Buna baxmayaraq  Aygün xanım suallarımızı cavabsız qoymadı:

 

-  Doğum gününüzü təbrik edirik, Aygün xanım.

 

- Vikipediyada səhv yazıblar əslində mənim doğum günüm avqustun 13-üdür.

 

- Biz də həm doğum gününüzü təbrik edib, həm də həmsöhbət olmaq istədik sizinlə.

 

- Nə olacaq ki, siz də erkən təbrik etmiş olarsınız. Çox sağ olun. Siz birinci deyilsiniz. Əksəriyyət doğum günümün bu gün olduğunu bilir, təbrik edirlər. Hətta keçən il sənət dostlarıma  deyirəm ki “Başqaları bilmir. Siz sənət dostusunuz, bilin də”. Ayın axırına qədər təbriklər qəbulumdur. (gülür)

 

- Adətən yaş artdıqca insanların fikirləri dəyişir. Hiss edirsinizmi ki, fikirləriniz dəyişib?

 

- Təbii ki.  Gənclik illərində insan bir az çılğın olur. Mən uşaq vaxtı  həddindən artıq dəcəl olmuşam, ipə-sapa yatmamışam. Bəlkə də evin balacası idim, daha çox əzizlənirdim, ona görə.  Zaman keçdikdə insanın fikirləri dəyişir. Məsələn, mən keçən il düşündüyüm müəyyən şeylərlə bağlı artıq tamamilə fərqli fikirdəyəm. Məncə, hər kəsdə  belədir.  Lakin içimdə bir gənclik, uşaqlıq hələ də var. Bəzən görürsən ki,  biri gənc olmasına baxmayaraq sanki həyatı bitib. İllər ötdükcə insan hər bir şeyə daha diqqətlə yanaşmağa çalışır. Ümumiyyətlə mənim heç zaman yaş krizim olmayıb.  Yəqin ki, bundan sonra da  belə olacam. ”Yaşımın üstünə yaş gəldi, bu ad günüm də belə getdi” -, deyə heç vaxt düşünməmişəm, düşünmərəm də.

 

- Bəs ifalarınız haqqında necə düşünürsünüz? Əvvəlki illərlə müqayisədə dəyişiklik varmı?

 

- Ümumiyyətlə yaşın  ifaya  heç bir təsiri  yoxdur. Şəxsən bu, mənim üçün belədir. Mən həmişə ciddi musiqi ilə məşğul olmuşam. Muğam mənim üçün birinci  yerdədir. Xalq mahnıları, bəstəkar mahnıları – yeni mahnılar ifa etmişəmsə, inanın, onun sözlərinə, musiqisinə önəm vermişəm. Sənətimə hər zaman ciddiliklə yanaşmışam.

 

- Lakin sizi efirlərdə çox az görürük. 

 

- Mən gəncliyimdən, tələbəlik vaxtlarımda da  iştirak edəcəyim verilişlərə diqqət edirdim. Düzdür, o zaman televiziya kanalları az idi. Amma verilişlərə gedəndə hansı qonağın  efirdə olmağı mənim üçün çox önəmlidir.  

Təkliflər həddindən artıq çox olur. Mən bu təklifləri qəbul etsəydim, hər gün məni efirlərdə görərdiniz. Hər gün də olmasa, ən azı həftədə üç dəfə. Lakin təklifləri qəbul etmirəm. Özünüz də görürsünüz , müəyyən aparıcılar dünənki  ifaçını necə təmtəraqla  tədqim edirlər. Hər şeyin zamanı var. Əlbəttə, gənc istedad ola bilər. Bu o demək deyil ki, gənc ifaçı yaxşıdır və ondan yoxdur. Belə demək olmaz. Bir xanəndənin yetişməyi üçün bilirsiniz neçə illər lazımdır?  Səsin gözəlliyi böyük sənətkar olmağa dəlalət etmir. Bu cür şeylər çox önəmlidir. Ona görə də hansı efirlərə gedib-getməməli olduğuma özüm qərar verirəm.

 

- Maraqlıdır, yeni yaşınızdan  gözləntiniz nələrdir?

 

- Yaş vacib deyil. Önəmli olan  əzizlərimlə, doğmalarımla  ad günü  keçirmək, insanlardan gözəl sözlər eşitməkdir. Bu elə bir dünyadır.

 

- Belə başa düşdük ki, təmtərağı sevmirsiniz.

 

- Heç zaman təmtərağı sevməmişəm. Hər bir şeydə belədir. Sadəliyə daha çox üstünlük verirəm. Məndə hər şey konkretdir.

 

- Bəs geridə qalan illərinizi necə qiymətləndirirsiniz?

 

- Çox yaxşı. Bilirsiniz, mənim uşaqlıq illərim Ağdamda keçib. Bu gözəl torpaqda doğulmuşam. Təəssüf ki,   öz torpaqlarımıza gedə bilmirik. Nəinki Ağdam, həmçinin Şuşa, Laçın, Cəbrayıl, Qubadlı, Zəngilan və digər işğal olunmuş ərazilərimiz.  9 yaşım olanda ifaya başlamışam. O illərə - Ağdamlı illərimə çox qayıtmaq istəyərdim. Mənim orda o qədər gözəl uşaqlıq, məktəb illərim keçib ki. İnanın, bu mənim ən yaralı yerimdir. O yerdə doğulub, suyunu-havasını içib  25 ildir , torpaqlarımıza həsrət qalmaq çətindir. Ümid edirəm ki, bir gün o torpaqlara dönmək bizə qismət olar.

 

- Aygün Bayramova sözün hər mənasında xoşbəxtdirmi?

 

- Mən özümü xoşbəxt sayıram. Birincisi, gözəl ailədə dünyaya gəlmişəm. Ətrafımda gözəl insanlar, bacı-qardaşlarım, valideynlərim varsa, niyə də özümü xoşbəxt saymayım?  

Allahın mənə gözəl səs bəxş etməsi də xoşbəxtlikdir. Bu elə birinci sırada durur. İstedad, səs hər kəsə verilmir, yalnız Allah tərəfindən seçilmiş insanlara verilir.  Təkcə xanəndələr deyil, gözəl rəssamlar, estrada ifaçıları, heykəltəraşlar və sair.  Allahın ən böyük hədiyyəsi  səsimdir.

 

-  Aygün xanım, ailənizi böyütmək fikriniz varmı? Yəni övlad sahibi olmaq.

 

- (Gülür) Bu, Allahın işidir. Nəsib edərsə, olsun. Açığı, ailə haqqında danışmağı xoşlamıram.  Bu mənim xasiyyətimdir. O ailə mənə aiddir, bizim ikimizə aiddir. Ailəmi önə gətirmək fikrində olmamışam. Həmişə deyirəm, sənətim xalqa məxsusdur, amma ailəm özümə aiddir.

BU KATEQORİYADAN OLAN DİGƏR XƏBƏRLƏR
+ Arxiv
İkiyə bölünmüş ada, soydaşlarımızın yaşadığı torpaq, tanınmayan qurum - Heydər Əliyevin şəxsi tərcüməçisi YAZIR 18 İyul 2019, 10:44 Nazirlik jurnalistləri Şəkiyə apardı 18 İyul 2019, 10:33 Gömrük Komitəsi iş adamının iddialarını TƏKZİB ETDİ 18 İyul 2019, 10:24 Fövqəladə Hallar Nazirliyi gücləndirilmiş rejimə keçir 18 İyul 2019, 10:15 Cəbhədəki sakitlik bitdi – Ermənistan iriçaplı silahları və snayperləri işə saldı 18 İyul 2019, 09:53 Azərbaycanda onkoloji xəstələri müəyyən edə bilən yeni metod hazırlanıb 18 İyul 2019, 09:37 Məmur olmaq istəyənlər sınağa çəkilir 18 İyul 2019, 09:34 Vergilər Nazirliyi sosial reklam hazırladı - VİDEO 18 İyul 2019, 09:20 804 minə yaxın mina və partlamamış hərbi sursat zərərsizləşdirilib - ANAMA 18 İyul 2019, 09:03 Zaur Seyidzadə: “Tezliklə Aliment Fondu yaradılacaq” – MÜSAHİBƏ 18 İyul 2019, 08:58 Azərbaycan jurnalistikasının dörd “muşketyoru”... 18 İyul 2019, 08:45 Manat və dolların bugünkü məzənnəsi 18 İyul 2019, 08:45 Natalia Bourjali: “Bu, Avrasiya məkanında ilk təcrübədir və Azərbaycan modelidir” 18 İyul 2019, 08:30 “Bakıxanovlara həmişə haqsızlıq ediblər” - Məşhur nəslin davamçısı 18 İyul 2019, 08:13 “Vahid Mustafayev çoxdan avtomobil idarə etmir” - ANS Şirkətlər Qrupundan saytlara ETİRAZ 18 İyul 2019, 07:41 Çempionlar Liqasında 1-ci təsnifat mərhələsi yekunlaşdı - Bütün NƏTİCƏLƏR 18 İyul 2019, 07:30 Türkiyənin F-35 proqramında iştirakında problem yaranır 18 İyul 2019, 01:00 “Neftçi”ni çətin oyun gözləyir 18 İyul 2019, 00:44 Sumqayıtda usta  içkidən zəhərləndi 18 İyul 2019, 00:27 Bakıda iki qız itkin düşdü 18 İyul 2019, 00:13 “Növbəti mərhələyə maksimum hazır olmağa çalışacağıq” - Qurban Qurbanov 17 İyul 2019, 23:56 Ərdoğan türk diplomatlarına hücumu pislədi 17 İyul 2019, 23:36 “Qarabağ”ın Çempionlar Liqasındakı növbəti rəqibi müəyyənləşib 17 İyul 2019, 23:22 Azərbaycanda  31432 narkoman qeydiyyata alınıb 17 İyul 2019, 23:11 “Qarabağ” Çempionlar Liqasının növbəti mərhələsində 17 İyul 2019, 22:54 Türkiyə 7 terrorçunu zərərsizləşdirib 17 İyul 2019, 22:37 Bakıda pul borcu üstündə bıçaqlanma 17 İyul 2019, 22:24 Şamaxıda ağır qəza: 6 nəfər xəsarət aldı 17 İyul 2019, 21:45 İranda tayfa davası: 1 ölü, 13 yaralı 17 İyul 2019, 21:29 Yevlax meşə yanğını 17 İyul 2019, 21:00 Azərbaycanda banklara qoyulan əmanətlərin 57,4 faizi xarici valyutadadır 17 İyul 2019, 20:47 Azərbaycanda 1400-dən artıq məhkum elektron qolbaq daşıyır 17 İyul 2019, 20:30 İraq türk diplomatlarının ölümünü pislədi 17 İyul 2019, 20:16 “Qarabağ”la “Partizani”nin start heyətləri açıqlandı 17 İyul 2019, 20:00 Elina Hacıyevanın ölümü ilə bağlı cinayət işi üzrə obyektiv istintaq aparılır - Baş Prokurorluq 17 İyul 2019, 19:53