Arxiv
12 Yanvar 2020, 14:19 | MƏDƏNİYYƏT
Peşəkarlıq və ləyaqət nümunəsi

 

Vaxtilə Azərbaycan Teleradio Verilişləri QSC-də bir yerdə çalışdığım,  hazırda “Mir” Dövlətlərarası Teleradio Şirkətinin Azərbaycan Milli Nümayəndəliyinin direktoru olan İlqar Paşazadə ilə budəfəki Yeni il bayramlaşmasında möhtərəm həmkarım sonda xatırlatdı: “Unutmamısansa, yanvarın 12-si sənin dostunun doğum günüdür–  90 illik yubileyini qeyd edəcəyik”. Söhbət İlqarın atasından və mənim köhnə dostumdan-- bir vaxtlar Azərbaycan Radiosuna rəhbərlik etmiş, peşəkarlığı və xeyirxahlığı ilə çoxumuzun ustadı olmuş unudulmaz  media təşkilatçısı Tahir Paşazadədən  gedirdi.

 

Dərhal ürəyimdən keçirdim ki, uzun illər çox sayda teleradio jurnalistinə  yoldaşlıq, həmkarlıq və dostluq dərsi keçmiş Tahir müəllimilə bağlı təəssüratımı “Xalq qəzeti”nin oxucuları ilə də bölüşüm. Beləliklə, ötən əsrin 70-ci illərində  Azərbaycanın ictimai-siyasi həyatında özünün xüsusi çəkisi ilə seçilən teleradio jurnalisti, rəhbər işçi, haqq və ədalət keşiyində mərd əsgər kimi dayanan, tabeliyində çalışanların qədrini bilən, hətta onlarla dosrluq etməyi bacaran bir insan kimi tanıdığımız Tahir Paşazadənin şərəfli ömür yoluna, bioqrafiyasına nəzər salaq.

 

Neçə-neçə sənədli televiziya filminin, radio-pyeslərin ssenari müəllifi, dünya klassiklərinin əsərlərini dilimizə çevirmiş məharətli tərcüməçi kimi tanınan Tahir Hadı oğlu Paşazadə 1930-cu il yanvarın 12-də Bakı şəhərində anadan olub. Paytaxtdakı 190 nömrəli məktəbi bitirəndən sonra tibb məktəbində təhsil alıb. 1953-cü ildə isə Azərbaycan Dövlət Universitetinin şərqşünaslıq fakültəsini bitirib.

 

Gənc mütəxəssis kimi Tahir Paşazadə əvvəlcə Neft Texnikumunda pedaqoji fəaliyyətə başlayıb, 1956-cı ildən isə Sabunçu rayon gənclər təşkilatına rəhbərlik edib. O, 1958-ci ildən ömrünün sonunadək o vaxtkı Televiziya və Radio Verilişləri Komitəsində rəhbər vəzifələrdə çalışıb. Azərbaycan Radiosunun fars redaksiyasında redaktor, şöbə müdiri, baş redaktor işləyən Tahir müəllim çox keçmədən ilk partiya təşkilatının katibi seçilib. İctimai-siyasi fəallığına görə Moskva Ali Partiya Məktəbinə göndərilərək rəhbər işçilər hazırlayan ikiillik kurs keçib.

 

İkinci ali təhsildən sonra Bakıya qayıdan perspektivli jurnalist 1972--1976-cı illərdə Azərbaycan Dövlət Televiziya və Radio Verilişləri Komitəsi partiya komitəsinin katibi işləyib. Həmkarımız həmin dövrdə iki dəfə 26 Bakı komissarı (indiki Səbail) Rayon Sovetinin deputatı seçilib. Teleradio sahəsində yetkin kadr kimi formalaşmış Tahir Paşazadə 1976-cı ildən Azərbaycan Dövlət Telerdio Komitəsinin sədr müavini vəzifəsinə irəli çəkilib.

 

Tanınmış media xadimi SSRİ və Azərbaycan Jurnalistlər ittifaqlarının üzvü olub. O, Azərbaycan SSR Ali Soveti Rəyasət Heyətinin fəxri fərmanı ilə təltif olunub, Azərbaycan jurnalistlərinin ən nüfuzlu “Qızıl qələm” mükafatına layiq görülüb.

 

Azərbaycanda öz nurunu, ziyasını gənclərdən əsirgəməyən, biliyini, bacarığını gənc jurnalistlərin yetkinləşməsinə yönəldən rəhbər kadrlardan biri də məhz Tahir müəllim olub. Zahirən xeyli ciddi görünsə də, olduqca səmimi, yumor hissi güclü, ürəyiaçıq, səxavətli və xeyirxah insan kimi tanınan Tahir Paşazadə teleradio jurnalistikasının  peşəkarlarından, bu sahənin nüfuzlu təşkilatçılarından biri idi. Onun çoxlarına örnək olası zəngin bioqrafiyasına nəzər yetirdikdə bu insanın bir ömür çərçivəsində nə qədər əhatəli, yaddaqalan işlər gördüyünə heyran olmaya bilmirsən.

 

Yaxşı yadımdadır, Tahir müəllim adəti üzrə vaxtaşırı dəhliz boyu sıralanan iş otaqlarına baş çəkir, fəaliyyətimizlə maraqlanır, yeri gəldikcə tövsiyələrini çatdırırdı. Onunla söhbət etmək, fikir və düşüncələrini öyrənmək həyat universiteti təsiri bağışlayırdı. Dünyada baş verənləri məharətlə təhlil edir, bizim üçün qaranlıq qalan beynəlxalq hadisələrə  geniş aydınlıq gətirirdi. Respublika radiosunun rəhbəri olaraq Azərbaycanın uğurlarına sevinir, ara-sıra rast gəldiyi neqativ hallara görə üzülür, radio verilişlərində hər iki yönün tarazlı əksini tapmasına həssaslıqla yön verirdi. Hər bir gənc jurnalistə Vətənə məhəbbət, xalq sevgisi, yüksək vətəndaşlıq duyğuları aşılayırdı.

 

Yeri gəlmişkən xatırladım ki, Əməkdar jurnalist, filologiya üzrə fəlsəfə doktoru İlqar müəllim də Paşazadələr ocağının layiqli yetirməsi kimi bu gün Tahir müəllimin düşüncə və ideyalarını layiqincə reallaşdırır, doğma Azərbaycanımızı MDB dövlətləri səviyyəsində şərəflə təmsil edir. O, 2016-cı ildə Azərbaycan Radiosunun 90 və Azərbaycan Televiziyasının 60 illiyi ilə əlaqədar Prezident İlham Əliyevin sərəncamı ilə “3-cü dərəcəli Vətənə xidmət” ordeni, 2012-ci ildə isə Rusiya Federasiyasının “Dostluq” ordeni ilə təltif olunub.

 

İlqar müəllim də, bu sətirlərin müəllifi də yaxşı xatırlayır ki, Tahir müəllimin və onun fədakar dostlarının xeyirxah missiyasının ardıcıllığı və möhkəm özüllərə söykənməsi nəticəsində ötən əsrin 70--80-ci illərinin jurnalistikasında əsl milli ruh hökm sürür, gənclərdə azərbaycançılıq hissi aşıb-daşırdı. Belə insanların vaxtilə düşündükləri, lakin müəyyən səbəbdən həyata keçirə bilmədikləri ideyalar bu gün Azərbaycan Televiziyası və Radiosunda uğurla reallaşdırılır.  

 

Yadıma gəlir ki, Azərbaycan ədəbiyyatının ölməz klassikləri Nizamini, Xaqanini, Qətran Təbrizini orijinaldan oxuyan, yüksək səviyyədə təhlil edən Tahir müəllim doğma dilimizin saflığını qorumağı daim önə çəkir, dilimizə xor baxanlara qarşı amansızlığını gizlətmirdi. Yığıncaqlarda, yaradıcılıq müzakirələrində həmişə fikrini ucadan bildirirdi. Deyirdi ki, rusca danışmaq, yazmaq, ingiliscə yaxşı bilmək çox əladır, amma doğma dilimizi yaddan çıxarmaq, yeri gəldi-gəlmədi, əcnəbi sözlərə yer vermək millilikdən, vətəndaşlıqdan uzaq bir işdir. Bəli, bu fikirləri Tahir müəllim Sovetlər birliyinin dünyaya meydan oxuduğu bir vaxtda qorxmadan, çəkinmədən dilə gətirirdi. Çünki dağlar diyarı Xızının əsilli- nəcabətli ocağının tanınmış nümayəndəsi, məşhur şair-alim Axund Zəki soyunun ziyalı davamçısı məhz bu cür olmalı, bu sayaq hərəkət etməli idi.

 

Tahir Paşazadə yaxşılıq etməyi, imkansızlara əl tutmağı özünün həyat idealına, yaşam tərzinə çevirmişdi. Heç unutmaram, 1978-ci ilin payız ayları idi. Bacımın həyat yoldaşı xidməti ezamiyyət zamanı xəstələnib Ukraynanın Xarkov şəhərindəki hərbi hospitallardan birinə yerləşdirilmişdi. Xəstənin yanına getməyə isə maddi imkanım yox idi. Qohumların gümanları yalnız mənə gəlirdi. Xeyirxah insan olan baş redaktorumuz Valid Sənanin izahatı ilə sədr müavini Tahir Paşazadə məni diqqətə dinlədi. Sonra Valid müəllimə dedi ki, bəlkə, elə Akifi Xarkova on günlüyə ezamiyyətə göndərək, necə deyərlər, həm ziyarət, həm ticarət.

 

Məsələ bircə günün içində həll olundu və mən ertəsi gün birbaşa reyslə Xarkova uçdum. Yolboyu yalnız Tahir müəllimin niyə problemi məhz bu yolla həll etdiyini düşündüm. Deməli, Tahir müəllim artıq xərcə düşməməyim, uzaq yolda heç bir çətinliklə üzləşməməyim, rahat gecələməyim üçün bu addımı atmışdı. Beləliklə, Xarkovda müalicə olunan xəstə qohumuma baş çəkdim, həm də Bakı ilə Xarkovun iqtisadi, mədəni əlaqələri barədə silsilə radio-süjetlər hazırlayıb geri döndüm. Bax əsl xeyirxahlıq, təmənnasızlıq timsalı olmaq buna deyərlər.

 

Tahir müəllimsiz keçən illər indi məndə belə bir qənaət yaradır ki, bu insan əsl ziyalı, milli-mənəvi dəyərlərimizin yorulmaz keşikçisi, yüksək mədəniyyət sahibi idi. Onun yaradıcılıq irsi cəmiyyətdə yaxşı mövqe tutmaq, insanlarla işləmək üçün həyat və yaradıcılıq örnəyidir. Sağ olsaydı, bu gün 90 yaşını doğmmaları, dostları ilə bir yerdə qeyd edəcəkdi. Əvəzində, xatirəsini dərin ehtiramla yad edir, Allahdan ruhuna rəhmət diləyirik.

 

Akif CABBARLI,

yazıçı-publisist

 

BU KATEQORİYADAN OLAN DİGƏR XƏBƏRLƏR
+ Arxiv
Əsgərlikdən qayıdan oğulları üçün məclis təşkil edənlər cərimələndi - FOTO 13 İyul 2020, 10:26 Şəhid Xəyyam Daşdəmirov İsmayıllıda dəfn olundu - VİDEO 13 İyul 2020, 10:16 Bərdə sakini həmkəndlisini ov tüfəngi ilə GÜLLƏLƏDİ 13 İyul 2020, 10:04 Bakıda soyğunçuluq 13 İyul 2020, 09:46 Neft yenidən ucuzlaşdı 13 İyul 2020, 09:40 Manat və dollar yeni günə bu MƏZƏNNƏ ilə başladı 13 İyul 2020, 09:34 Müdafiə Nazirliyi cəbhədəki gərginliklə bağlı MƏLUMAT YAYDI 13 İyul 2020, 09:28 Kubalı həkimlər koronavirusla mübarizə üçün Bakıya gəlir 13 İyul 2020, 09:22 Ordumuzun baş leytenantı ŞƏHİD OLDU 13 İyul 2020, 09:16 Bakıda sex yandı, yaralanan var 13 İyul 2020, 09:10 Azərbaycan Ordusu düşmənə sarsıdıcı zərbə endirdi - VİDEO 13 İyul 2020, 09:04 Ombudsmandan cəbhədəki təxribatla bağlı AÇIQLAMA 13 İyul 2020, 09:00 Qocaman jurnalist dünyasını dəyişib 13 İyul 2020, 08:50 Bu ölkədə koronavirusa görə alkaqol satışına qadağa qoyuldu 13 İyul 2020, 08:39 Azərbaycanın görkəmli memarı vəfat edib 13 İyul 2020, 08:37 Türkiyədən qardaş dəstəyi - “Azərbaycanın yanındayıq" 13 İyul 2020, 08:22 Müdafiə Nazirliyi Azərbaycana məxsus PUA-nın vurulduğunu TƏKZİB ETDİ 13 İyul 2020, 08:00 Tovuz təxribatının baiskarı olan erməni general - FOTO 13 İyul 2020, 05:08 “Düşmənin təxribatına qarşı daha sərt cavab tədbirləri görülür” - Müdafiə Nazirliyi 13 İyul 2020, 01:06 Şəhidlərimizin cənazəsi alqışlarla qarşılandı - VİDEO 13 İyul 2020, 00:47 Tovuz istiqamətində vəziyyət yenidən gərginləşib - RƏSMİ 13 İyul 2020, 00:26 Milli Məclisdə benefisiar sahibliklə bağlı müzakirələr aparılmır 13 İyul 2020, 00:24 Motosiklet yolu keçən qadını vurub öldürdü 13 İyul 2020, 00:13 Azərbaycanda reanimasiyada 356 COVİD-19 xəstəsi var - FOTO 12 İyul 2020, 23:53 Gədəbəy sakini əmisini qətlə yetirib - Təfərrüat, YENİLƏNİB 12 İyul 2020, 23:36 Tovuz sakinlərindən ordumuza dəstək - FOTO 12 İyul 2020, 23:07 DSX çayda batan əsgərin yaxınlarını əraziyə aparıb 12 İyul 2020, 22:41 Üç şəhidimizin ad-soyadı AÇIQLANDI 12 İyul 2020, 22:26 Rusiyadan 233 nəfər Vətənə gətirildi - FOTOLAR 12 İyul 2020, 22:23 “Ordumuz düşmənə layiqli cavabını verməli idi və verdi” - Jalə Əliyeva 12 İyul 2020, 22:16 Türkiyədə 5 363 nəfər COVİD-19-un qurbanı oldu 12 İyul 2020, 22:04 Düşmənə sarsıdıcı zərbə endirilib - Nazir müavini 12 İyul 2020, 21:48 Şəhidlərimizdən birinin ad-soyadı açıqlanıb - FOTO 12 İyul 2020, 21:31 Yaponiyada virusa yoluxanların sayı artır 12 İyul 2020, 21:23 “Hər birinizi əmin edirəm ki, düşmənə ağır zərbə vurulub” - Qənirə Paşayeva 12 İyul 2020, 21:09