Türkiyədə yaşayan azərbaycanlılar “Can Azərbaycan Televiziyası” adlı telekanal yaradıblar. Telekanalın verilişləri əvvəlcə yalnız internet, bu ilin sonunadək peyk (Türksat peyki) vasitəsilə yayımlanacaq. Modern.az xəbər verir ki, Türkiyədə yaşayan 3 milyondan çox Azərbaycan türkünün və dünya azərbaycanlılarının səsi olmağa çalışacaq “Can Azərbaycan” telekanalı bu gün Bakı vaxtı ilə saat 15.00-da yayıma baslayıb. “CanAz” TV əsasən milli-mədəni dəyərlərə üstünlük verəcək. Televiziya milli mədəniyyətimizin yaşaması, yayılması, tanınması və inkişaf etməsini qarşısına məqsəd qoyub. Bu il fevralın 1-dən yayıma başlayacaq telekanalın fəaliyyətini www.canaz.tv internet saytından izləmək mümkün olacaq. Türkiyədə yaşayan azərbaycanlıların yaratdığı telekanal dünyada yaşayan azərbaycanlıların televiziyası olacaq.
