Dövlət Şəhərsalma və Arxitektura Komitəsi martın ortalarından başlayaraq hüquqi və fiziki şəxslərə “Dövlət standartlarına uyğun olaraq, I və II məsuliyyət səviyyəli bina və qurğuların layihələndirilməsi“ fəaliyyət növü ilə məşğul olmaq üçün xüsusi lisenziyanın verilməsini həyata keçirəcək. Dövlət Komitəsindən Modern.az-a verilən məlumata görə, 30 dekabr 2009-cu il tarixinədək qeyd olunan fəaliyyət növü ilə məşğul olmaq üçün 50 hüquqi və 4 fiziki şəxsə xüsisi razılıq verilib.
Lisenziya verilməsinə başlanılan tarixdən bəri 40-a yaxın hüquqi və fiziki şəxs,qeyd olunan fəaliyyət növü ilə məşğul olmaq üçün müraciət etsə də, onlar müvafiq kadr potensialına malik olmadıqlarından lisenziya ala bilməyiblər.