Arxiv
12 Oktyabr 2021, 14:37 | MEDİA
Hadrutda böyüyən jurnalist: “Evimiz gözümün qarşısında yandırılıb”

Oktyabrın 9-da Xocavənd rayonunun strateji Hadrut qəsəbəsinin işğaldan azad olunmasından 1 il ötdü. Onilliklər boyu İrandan köçürülən ermənilərin yaşadığı Hadrut qəsəbəsində və ətraf kəndlərində  azərbaycanlılar həmişə sıxışdırılıb, sayları süni şəkildə azaldılırdı. Məhz buna görə, Sovet İttifaqı dövründə Hadrut Qarabağda ermənilərin ən sıx yaşadığı yaşayış məntəqələrindən biri idi.

 

Buna rəğmən, Hadrut və çevrəsində azərbaycanlılar da yaşayıb. Onlardan biri şair, əməkdar jurnalist, “Ədalət” qəzetinin baş redaktor müavini Əbülfət Mədətoğludur. Tanınmış jurnalist Xocavənd rayonunun Tuğ kəndində anadan olub.

 

Prezident İlham Əliyevin Xocavəndə son səfəri zamanı doğa yurdunu ziyarət edən rayon nümayəndələri arasında o da var idi. Əbülfət Mədətoğlu 30 il əvvəl didərgin düşdüyü doğma Xocavənd rayonunu, Tuğ kəndini və Hadrut qəsəbəsini ziyarət etməyə fürsət qazanıb.

 

Əbülfət Mədətoğlu səfər təəssüratlarını Modern.az-la bölüşüb. O, Hadrut qəsəbəsində Sovet vaxtı yaşayan azsaylı azərbaycanlılardan danışıb.

“ Orta məktəbi bitirənədək Hadrutda yaşamışam. Rayon mərkəzi kimi Hadruta kifayət qədər gedib gəlmişəm. Ordumuz Hadrut qəsəbəsini azad edən zaman,  yerli əsgərlərdən biri mənim rayon Komsomol komitəsinin dağılmış binasında yerə tökülmüş sənədlər içərisindən komsomol kartımı tapıb özümə göndərmişdi. Hadrut dağın arasında yerləşən qəsəbə kimi mənim üçün maraqlı olub. Rayon mərkəzləri adətən gedişli-gəlişli yer olur. Ancaq Hadrut fərqli, kənd həyatından fərqlənməyən bir qəsəbə olub. Mərkəzdə cəmi iki bina olub, qalanları kənd evləri olub. Hadrutun ortasından axan dağ çayı, onun üzərində çinar ağacının dibində bir çayxana bizim ən sevdiyimiz istirahət yerləri idi. Hadrut qəsəbəsində 100 nəfərə yaxın azərbaycanlı yaşayırdı. Yaşayanların çoxu təyinatla ora gəlmiş müxtəlif sahənin insanları idi. Azərbaycanlılar üçün nə Azərbaycan dilində məktəb, nə də sayılan bir vəzifə var idi, ermənilər hər şeyi zəbt etmişdi. Məcburən orada yaşayan azərbaycanlılar övladlarını rus məktəbində təhsil almağa  yollayırdılar”.

 

Jurnalist böyüdüyü evin məhv edildiyini prezidentə də göstərdiyini vurğulayıb.

“Hadrut səfərim zamanı böyüdüyüm evin və məktəbin yerini cənab prezidentə göstərdim ki, heç biri yoxdur. 1991-ci il oktyabrın 30-dan 31- nə keçən gecə evimiz gözümün qarşısında yandırılıb. Gözüm heç nə axtarmırdı, sevinirdim ki, torpağa heç nə edə bilməyiblər. Keçirdiyim hisslər bir kəlmə ilə ifadə oluna bilməz. Yuxunun film olduğu anları yaşadım”.

 

Ə.Mədətoğlu Tuğ kəndi və Hadrut qəsəbəsi üçün xüsusi layihələrin hazırlandığını söyləyib:

 “Mənim heç ümidim qalmamışdı, insan nə qədər gözləyərdi.  “Dəmir yumruq”a, müzəffər ordumuza güvənib, arxalarından durmaq lazım imiş.  Tuğda və Hadrutda fərqli nüanslar var. Hadrut qəsəbə kimi elə bir yerdə yerləşir ki, yenilənmə aparmaq mümkündür, labüddür. Orada olan erməni damları istifadəyə yararlı deyil. İnfrastruktur dəyişəcək, yeni iş yerləri yaradılacaq. Tuğ kəndi üçündə xüsusi layihələr hazırlanır. Kənddə bulaqların başında sanatoriyalar tikiləcək. Kifayət qədər də bulaq var. Köhnə vəziyyətini qorumaqla həyat səviyyəsini yüksəltmək və əvvəlki kimi kənd təsərrüfatını inkişaf etdirmək Hadrut  üçün önəmli olacaqdır”.

BU KATEQORİYADAN OLAN DİGƏR XƏBƏRLƏR
+ Arxiv
Lev Yaşin mükafatının qalibi bəlli oldu 30 Noyabr 2021, 00:53 20 yaşlı polis VƏFAT ETDİ 30 Noyabr 2021, 00:09 Ailənin 5 üzvü dəm qazından zəhərləndi 30 Noyabr 2021, 00:01 Türkiyədə koronavirusla bağlı son vəziyyət 29 Noyabr 2021, 23:54 Konqoda qaçqın düşərgəsinə hücum: 20 ölü 29 Noyabr 2021, 23:29 Polisdən mülki geyimdə REYD 29 Noyabr 2021, 23:03 Qlobal səylər səfərbər edilir 29 Noyabr 2021, 22:46 Azərbaycan SOA ölkələri ilə əməkdaşlığa HAZIRDIR 29 Noyabr 2021, 22:32 Aİ rəsmisi təhsil naziri ilə danışıqlar APARDI 29 Noyabr 2021, 22:22 “Omikron” ştammı İsveçdə 29 Noyabr 2021, 22:09 İstanbulda məktəblər  BAĞLANDI 29 Noyabr 2021, 21:53 Emin Əmrullayev Dünya Bankının rəsmisi ilə GÖRÜŞDÜ 29 Noyabr 2021, 21:40 Aİ yeni media qanunu hazırlayır 29 Noyabr 2021, 21:24 Belarusdan Ukrayna ilə sərhəddə təlim QƏRARI 29 Noyabr 2021, 21:03 Xarici ticarət dövriyyəsi 26 milyard dolları ötüb 29 Noyabr 2021, 20:47 “Twitter”in rəhbəri istefa VERDİ   29 Noyabr 2021, 20:37 Əks-göstəriş sertifikatı ilə bağlı yeni qaydalar 29 Noyabr 2021, 20:23 İranda helikopter qəzası 29 Noyabr 2021, 20:11 Əlaqələndirmə mərkəzlərində vətəndaşlara göstəriləcək xidmətlər 29 Noyabr 2021, 19:52 COVID sertifikatının verilmə QAYDASI 29 Noyabr 2021, 19:33 COVID-19-la bağlı sertifikatlar TƏSDİQLƏNDİ 29 Noyabr 2021, 19:21 Türkiyədə qasırğa - 4 nəfər ÖLDÜ 29 Noyabr 2021, 19:19 Yeni il qabağı karantinə nəzarət GÜCLƏNDİRİLİR 29 Noyabr 2021, 19:10 Operativ Qərargahdan "Omicron"la bağlı TAPŞIRIQ 29 Noyabr 2021, 19:07 2 rayonda qaz OLMAYACAQ 29 Noyabr 2021, 18:50 Gənclər və idman nazirinin müavini vəzifəsindən azad edilən QOCALAR 29 Noyabr 2021, 18:42 Ermənistanın Azərbaycana  kiberhücumları - VİDEO 29 Noyabr 2021, 18:21 Pensiyasını orduya bağışlayan Hikmət baba Şuşaya APARILDI 29 Noyabr 2021, 18:05 Fəlsəfə doktorluğu üçün QEYDİYYAT 29 Noyabr 2021, 18:00 Putin xüsusi nümayəndəsini İrana göndərdi 29 Noyabr 2021, 17:55 XİN rəhbərləri arasında məsləhətləşmə 29 Noyabr 2021, 17:50 Aşağı Gövhərağa məscidi bərpa olunur 29 Noyabr 2021, 17:46 Dolların məzənnəsi sabit qaldı 29 Noyabr 2021, 17:42 Bolqarıstanlı xanım Azərbaycanda nazir müavini TƏYİN EDİLDİ 29 Noyabr 2021, 17:38 Yaponiyada güclü ZƏLZƏLƏ 29 Noyabr 2021, 17:32
SORĞU Kommunal xərciniz ən çox hansı xidmətə gedir?