UNEC-in Beynəlxalq əməkdaşlıq departamentinin direktoru Nərmin İbrahimova universitetdə təhsil alan əcnəbi tələbələrlə görüşüb.
Bu barədə Modern.az-a UNEC-dən məlumat verilib.
Bildirilib ki, görüşdə onların UNEC-dəki tələbəlik həyatı, dərsdən kənar fəaliyyətləri haqqında müzakirələr aparılıb. Tələbələrin təhsil müddətində üzləşdikləri çətinliklər rəhbərlik tərəfindən dinlənilib və onun həll yolları istiqamətində tədbirlər görülüb.
Nərmin İbrahimova əcnəbi tələbələrin ölkələrindən kənarda təhsil almaları haqqında təəssüratlarını dinləyərək, öz tələbəlik təcrübəsini bölüşüb və onlara uğurlar arzulayıb.
