ABŞ prezidenti Co Bayden Ukraynaya əks-hücum əməliyyatında uğurlar arzulayıb.
Modern.az BBC-yə istinadən xəbər verir ki, Ağ Evdə Danimarkanın baş naziri Mete Frederiksenlə görüş zamanı Baydenə AFP müxbiri tərəfindən Ukrayna ordusunun əks-hücum əməliyyatı ilə bağlı sual ünvanlanıb.
Jurnalist Baydendən Ukrayna hərbçilərinin nə qədər uğurlu olacağını düşündüyünü soruşub.
Amerika prezidenti səssizcə əlini qaldırıb, orta və şəhadət barmaqlarını çarpazlaşdıraraq qələbə işarəsi göstərib və ukraynalılara uğurlar arzuladığını açıq şəkildə ifadə edib.
