st1:*{behavior:url(#ieooui) }
Amerikanın ATƏT-in Minsk qrüpundakı keçmiş həmsədri Metyu Brayza deyəsən Birləşmiş Ştatların Azərbaycandakı yeni səfiri təyin olunacaq. Modern.az erməni mətbuatına istinadən xəbər verir ki, bu barədə Wall Street Journal и New York Times-in keçmiş müxbiri Stiv Livayn bildirib. Livayn iddia edir ki, Bryazanın səfir vəzifəsinə təyin olunması barədə qərar yaxın vaxtlarda elan olunacaq: “Məndə olan məlumatlara görə, bir sıra mövcud manəelər aradan qaldırıldıqdan sonra Ağ ev tezliklə rəsmi qaydada Brayzanın səfir postuna namizədliyini Senata təqdim edəcək”,-deyə Livayn bildirib. Xatırladaq ki, ABŞ-ın Azərbaycandakı sonuncu səfiri Enn Dersinin Azərbaycanda diplomatik fəaliyyəti 2009-cu ilin iyulunda başa çatdığından o, geri çağırılıb. Bəzi ekspertlər rəsmi Vaşinqtonun uzun müddətdir Azərbaycana səfir göndərməməsini Azərbaycan hakimiyyətindən narazılığın nümunəsi kimi izah edirlər.
ABŞ-ın Azərbaycandakı səfirliyi isə dəfələrlə bəyan edib ki, Vaşinqtonun 40-dək ölkədə səfiri yoxdur və bunların sırasında Azərbaycan da var.
Modern.az