ABŞ-ın eks-prezidenti Donald Tramp dünən ABŞ-ın Nyu-Hempşir ştatında keçirilən praymeriz seçkilərində qalib gəlib.
Modern.az xarici KİV-ə istinadən xəbər verir ki, ABŞ prezidentliyinə respublikaçılardan olan namizədlər (praymerizlər) üçün ilkin səsvermə zamanı seçicilərin 53,8%-i Trampa səs verib. İkinci yerdə onun əsas rəqibi, ölkənin BMT-dəki keçmiş nümayəndəsi Nikki Heyli qərarlaşıb. Səslərin 44,8 faizi onun lehinə hesablanıb.
Nəticədə Heyli məğlubiyyətini etiraf edib və hətta səslərin hesablanması mərhələsində də Trampı qələbəsi münasibətilə təbrik edib.
ABŞ-da növbəti prezident seçkiləri 2024-cü ilin noyabrında keçiriləcək. Donald Tramp və Nikki Heyli Respublikaçılar Partiyasından namizəd olmaq üçün mübarizə aparır.
Hazırkı Amerika lideri Co Bayden də Demokratlar Partiyasından yenidən seçilmək niyyətində olduğunu bildirib.
