Finlandiyada keçirilən prezident seçkilərində seçicilərin 71,5 faizi iştirak edib.
Modern.az xəbər verir ki, bu barədə ölkənin Ədliyyə Nazirliyi məlumat yayıb.
Məlumata görə, ümumilikdə 4.54 milyon seçicidən 3,25 milyonu səs verib.
Yerli mətbuat yazır ki, səslərin 97,4%-i hesablanıb. Keçmiş baş nazir Aleksandr Stab 27,1%, keçmiş xarici işlər naziri və deputat Pekka Haavisto 25,7% səs toplayıb. Onlar fevralın 11-də baş tutacaq ikinci turun iştirakçıları olacaqlar.
