NATO hərbçiləri təlim zamanı Polşada Vistula çayını keçiblər.
Modern.az xəbər verir ki, bu barədə "Bild" yazıb.
Hərbçilər amfibiya bərələri və yüksək sürətli üzən körpülərdən istifadə edərək döyüş tanklarını, zirehli transportyorları və digər texnikaları çaydan keçiriblər. “Dragon 24” adlı təlim Qdanskdan təxminən 100 kilometr cənubda Polşanın ən uzun çayında baş tutub.
NATO generalı Qunnar Brugner deyib: “Biz hansı imkanlara malik olduğumuzu göstəririk və bunu onlardan istifadə etmək əzmi ilə birləşdiririk”.
O izah edib ki, su hövzəsini keçmək ordunun cəbhəyə təminatı çatdırmaq üçün ehtiyac duyduğu əsas bacarıqdır.
